Uko egin diote Barakaldoko alkateak eta gobernu taldeak soldata igoerari

Uko egin diote Barakaldoko alkateak eta gobernu taldeak soldata igoerari

Amaia del Campo Barakaldoko alkateak iragarri du berak eta EAJ-PNVk eta PSE-EEk eratutako gobernu-taldeko zinegotziek, aholkulariek eta administrariek uko egingo diotela joan den urtarrilean 2/2020 Errege Lege Dekretuaren bidez langileen soldatak % 2,3 eguneratzeari. Batez bestekoa 2020ko aurrekontuarekin batera onartu zen, eta aurtengo martxoan berretsi behar zen, osoko bilkuran, baina Koronabirusaren krisiaren ondorioz, osoko bilkura bertan behera geratu zen eta proposamena gaur arratsaldeko ohiko osoko bilkuran eztabaidatu da.

Soldaten eguneratzeak udal-langile guztiei, funtzionarioei, ordezkari politikoei eta konfiantzazko langileei eragiten die, eta atzeraeragina izango du 2020ko urte osoan.

Covid-19ren osasun-krisiaren ondorioz gaur egun bizi dugun egoeraren aurrean erantzukizunez jokatuz, EAJ-PNVk eta PSE-EEk osatutako gobernu-taldeko zinegotziek aurrekontuan aurreikusita zegoen % 2,3ko eguneratzeari uko egitea erabaki dute, Gobernu Zentralak eta Eudel Euskadiko Udalen Elkarteak horren inguruan har ditzaketen erabakien zain.

Horrela, bada,  neurria onartu du osoko bilkurak, eta, horrenbestez, aurrekontu-egonkortasunaren eta jasangarritasunaren helburua betez, % 2ko igoera finkoa eta 2019ko ekitaldiko kontu orokorra finantzatuko duen soldata-masaren gaineko 0,3koa egokituko zaie udal-langileei, EA-EAJ eta PSE-EE talde politikoetako kideei izan ezik.