- 70.000 euro bideratu dira diru-laguntza honetarako
- Eskabideak aurkezteko epea otsailaren 16an amaituko da
Emakundek emakumeen eta gizonen berdintasunaren arloan ikerlanak egiteko hiru bekaren deialdia onartu du 2024rako.
70.000 euro bideratuko ditu Emakundek azterlanak egitea sustatzeari eta herritarrak horiei buruz sentsibilizatzeari buruz helburu duten diru-laguntzei.
Ikerketa-lanen garapena eta hedapena funtsezkoak dira eztabaida publikorako eta erabaki politikoak hartzeko, batez ere genero-ikuspegia politika guztietan txertatzeari dagokionez. Gainera, beken modalitateak prestakuntza eta ikerketa garatzeko aukera ematen du, eta onuradunen ibilbide profesionala sustatzen du.
Gaur argitaratutako deialdian hiru beka mota daude, eta horietako bakoitza ikerketa-lan bati dagokio. Beketako biren helburua da etorkizuneko bekadunen prestakuntza orientatzea eta bultzatzea, genero-harremanen testuinguruan sortzen ari diren esparruetara, eta gure gizartean balio-aldaketa bultzatzen laguntzea. Hirugarren laguntza diskriminazio multipleko arriskuan edo egoeran dauden emakumeen kolektiboen azterketan aurrera egiteko beharrari erantzuten dio.
Eskabideak aurkezteko epea 2024ko otsailaren 16ra arte egongo da zabalik.
Oinarriak hemen kontsulta daitezke.