Gaur egun, aplikazio asko daude sasoian jartzeko. Hala ere, ia ez dago 50 urtetik gorakoentzako eskaintzarik. Arazo horri irtenbidea emateko Sensalus aplikazioak zainketa-ohitura osasungarriak sortzea du helburu. APP honek, ariketa fisikotik eta muskularretatik haratago, osasunaren aldetik garrantzitsuak diren oinarrizko aspektuak eskaintzen ditu, hala nola nutrizioa, kalitatezko atsedena eta mindfulnessa.
“Sensalusek ariketa plan guztiz pertsonalizatua eskaintzen du, adin, maila eta egoera fisiko bakoitzerako pentsatuta”, azaldu dute arduradunek.
Pertsona bakoitzaren maila fisikotik abiatuta, adimen artifizialeko algoritmoen eta machine learning-aren eskutik, adineko pertsonen bizimodu sedentarioa hausteko errutina pertsonalizatuak sortzen dira, bizitza osasuntsu baten aldeko apustua ere sustatuz. Era berean, aplikazioak ariketak etxean egiteko aukera ematen du, gimnasioak erabili beharrik gabe. “Intentsitate txikiko ariketak egin daitezke gimnasiora joan gabe edo makinak erabili gabe”, diote.
Indarra, yoga, elastikotasun eta oreka ariketak dira adin edo egoera fisiko bakoitzerako modu egokian jartzeko aukeretako batzuk. Sensalusek ehunka ariketa eta asteko plan desberdin ditu, zahartze aktiboan esperientzia handia duten prestatzaile fisikoen diziplina anitzeko talde batek definituak.
Erabiltzailearen osasuna eta ongizatea bermatzeko, loaren kalitatea hobetzeko aholku, audio eta bideo sorta bat eta meditazio gidatuko saio batzuk ere baditu, atsedena hobetzeko, estresa eta antsietatea saihesteko.
Aplikazio honek eskaintzen dituen abantailen artean azpimarratzekoa da gaixotasun neurodegeneratiboak prebenitzen dituela, sedentarismoa, obesitatea edo depresioa pairatzeko arriskua muurizten ditu, eta maila pertsonalean, erabiltzaileen harremanak hobetzen ditu taldean erabiltzeko aplikazio bat delako. “App bakar batean biltzen dugu gorputza eta arima lantzeko behar den guztia: fitness, nutrizioa, atsedena eta mindfulnessa”, nabarmentzen dute Sensalusetik. Plataformak, gainera, nutrizioari buruzko oinarrizko aholkuak eta sukaldaritzako ehunka errezeta osasungarri eskaintzen ditu.
info+: sensalus.com
Bilboko udaltzainek 45 urteko emakume bat atxilotu dute, hilketa saiakera egotzita. Zenbait lekukok atxilotua, bikotekidea…
Foru Komunitateko 101 udalerrik dagoeneko badituzte Baso-suteen Arriskuari aurre egiteko Udal Jarduera Planak (PAMIF), Nafarroako…
Hezkuntzak aurten deitu dituen maisu-maistren kidegorako oposizio-lehiaketako probak ekainaren 19an hasiko dira, ostirala, eta ekainaren…
Foru Gobernuak foru lege dekretu bat onartu du asteazken honetan, Estatu Batuen eta Israelen erasoaren…
Nafarroako Gobernuak, gaurko bilkuran, AGR Biogás SA enpresari Arroizko udalerrian planta bat instalatzeko Ingurumen Baimen…
Nafarroako Gobernuak, gaurko bilkuran, 2025eko Inbertsio Programa eguneratzea eta zabaltzea onartu du, 2024ko aurrekontu superabitetik…