Iñigo Urkulluk IRISBOND enpresa bisitatu du, enpresa hori liderra da hitz egiteko zailtasunak edo mugikortasun mugatua duten pertsonei komunikatzen laguntzen dien begi-jarraipenaren teknologian
Herritarren bizi-kalitatea hobetzeko, elkarlan publiko-pribatuaren eredua defendatu du Lehendakariak, eta, adibide gisa, eyetracking delako teknologian punta-puntakoa den IRISBOND enpresa ipini du. Iñigo Urkulluk enpresa horretako Donostiako instalazioak bisitatu ditu, Arantxa Tapia eta Gotzone Sagardui sailburuekin batera. Bertan, Lehendakariak lehen eskutik ezagutu ahal izan du begi-jarraipeneko teknologia hau; teknologia horrek, hainbat gailuren bidez, komunikatzeko edo elkar eragiteko erraztasunak eskaintzen dizkie hitz egiteko zailtasunak edo mugikortasun mugatua dutenei.
Bisita honetan, Lehendakariak enpresa honen lan-ildo berriak ezagutu ditu, hain justu ere, alzheimerra, parkinsona eta gisa honetako gaixotasun neurodegeneratiboen hautemate eta diagnostiko goiztiarrekin lotuta. Ondoren, hizketaldi labur bat izan du Paulerekin. Paule teknologia hau erabiltzen duen neska bat da; teknologia honi esker, ikastolako klaseak jarrai ditzake beste ikaskideekin. Iñigo Urkulluk eredu modura jarri du, eta “Paule pertsona askorentzat eredutzat hartzeko ispilua dela” dela gaineratu du.
“Gaur ezagutu dugun adibidea baino garbiagorik aurkitzea zaila da. Pauso asko eta ondo eman behar izan dira Pauleren bizi-kalitatea hobetzeko. Benetan, hunkituta gaude gaur ikusi dugunarekin. Zorionak eta eskerrik asko prozesu honetan parte hartu duzuen guztiei”- adierazi du.
Iñigo Urkulluk Gipuzkoako ETE honen eredua nabarmendu du, izan ere, laguntza publikoak industria-ikerketara eta garapen esperimentalera bideratu ditu.
“Zuen lanari eta lankidetzari esker, begi-bistan daude emaitzak” gaineratu du, eta aipatu du emaitza hauek Osakidetzaren bidez ere aplikatzen direla, “pertsona bakoitzaren zailtasun errealei konponbideak eskaintzeko gai baita, Pauleren kasuan bezalaxe”.
Aumenta las partidas para subvencionar los programas de Educación un 17% respecto del año pasado,…
Una iniciativa conjunta que ofrece ventajas cruzadas para acercar el arte, la historia y la…
El Departamento de Salud del Gobierno Vasco ha delimitado con mayor precisión el alcance de…
Ertzaintzako agenteek 27 eta 45 urteko bi gizon atxilotu zituzten atzo goizean, Donostiako hiriburuan hainbat…
Udalak martxan jarri du 2026-2029 legealdirako diseinatutako plana, berdintasunerako lanetan mugarri berria Donostiako Udalak Tokiko…
Ezkerraldea zaharberritu da bio ingeniaritzako tekniken bidez, eta urlehortarrentzako putzu bat sortu da hiri-bilbe betean…