Ekonomiaren Garapen, Jasangarritasun eta Ingurumen Sailak 2024ko ekitaldian Euskadiko klusterren antolakunde dinamizatzaileak babesteko emango diren laguntzak aurkeztu ditu gaur, aurretiaz. 3.868.000 euro onartu dira, eta joan den astean aurkeztu zen —eta oraingoan 16 euskal klusterren lana bultzatuko duen— ETEentzako Laguntza Planari gehituko zaizkio.
ETEen, enpresa handien, ezagutza-hornitzaileen eta eskualdeetako berrikuntza-sistemetako beste eragile batzuen arteko lankidetza, kluster beraren barruan edo klusterren artean, euskal industrian berrikuntza eta nazioartekotze-gaitasunak handitzeko bektore nagusietako bat da. Enpresa talde berritzaileak edo klusterren antolakunde dinamizatzaileak dira berrikuntza-sistemako eragileen arteko eta, bereziki, ETEen arteko lankidetza errazteko diharduten eragile nagusiak. Eragile horiek, gainera, balio-kate globaletan txertatzeko aukera errazten dute.
Beraz, Euskadiko klusterren antolakunde dinamizatzaileentzako laguntza horiek euskal enpresen lehiakortasuna lankidetzaren bidez handitzeko helburu estrategikoaren barruan sartzen dira, baina enpresei zuzenean zuzenduta ez daudenez gero, ez daude joan den astean aurkeztutako ETEentzako Laguntza Planean txertatuta.
Oraingoan, Eusko Jaurlaritzak klusterrentzako laguntzen aurrerapena gaineratu dio ETEentzako Laguntza Planari, euskal enpresen lehiakortasuna lankidetzaren bidez sustatzeko eta handitzeko, eta euskal industriak tentsio handiko ingurune konplexu honetan dituen erronkei erantzuteko.
Klusterren antolakunde dinamizatzaileek (KAD) eskaera bat aurkeztu beharko dute bitarteko elektronikoen bidez, Administrazio Publikoen Administrazio Prozedura Erkidearen urriaren 1eko 39/2015 Legearen 14.2 artikuluan ezarritakoari jarraikiz. Administrazio-prozeduraren informazio-fitxa honako helbide honetan dago (fitxa horretan, izapidetzeko jarraibideak, erantzukizunpeko adierazpenak eta ereduak daude eskuragarri, eta, fitxaren bitartez, eskaera egiteko formulariora jo daiteke): https://www.euskadi.eus/servicios/1012912
Eskaeraren ondorengo izapideak, kanal elektroniko bidezkoak, jakinarazpenak eta justifikazioak barne, Euskal Autonomia Erkidegoko Administrazio Publikoaren egoitza elektronikoaren «Nire karpeta» aukeraren bitartez egingo dira: https://www.euskadi.eus/micarpeta. Eskaerak aurkezteko epea Agindua Euskal Herriko Agintaritzaren Aldizkarian argitaratu eta biharamunean hasi eta 2024ko otsailaren 29an amaituko da.
Gasteizen istiluak saihesteko Ertzaintzaren dispositiboak emaitza eman du goizean goizetik, Madrildik iritsitako 118 pertsona identifikatuta.…
Ertzaintzako agenteek, udaltzaingoekin lankidetzan, 44 eta 20 urteko bi gizon atxilotu dituzte gaur goizaldean Ermuan…
Esta madrugada la Ertzaintza ha detenido en Bilbao a dos jóvenes, de 18 y 17…
El Servicio Médico Real Sociedad de Fútbol ha confirmado que Orri Óskarsson ha sufrido una…
Un hombre, de 28 años de edad, fue detenido la madrugada de ayer en Donostia…
Juan Mari Aburto intervendrá en la conferencia “Recursos para la gestión participativa de la convivencia…