Euskal Herriko Unibertsitateak 2024-2025 ikasturterako masterren eskaintzaren berri emango du EHU Master Week 2024 azokan, martxoaren 4tik 7ra egingo den azoka birtualean. Lau egun horietan, UPV/EHUko 140 masterretako arduradunek 200 hitzaldi inguru emango dituzte parte-hartzaileen zalantzak argitzeko.
EHU Master Week astelehenetik ostegunera egongo da irekita, 10:00etatik 19:00etara, ordutegi jarraituan. Azoka birtualean parte hartzeko, erregistratu egin behar da, eta, erregistroa osatu ondoren, nahi adina aurkezpenetarako izena eman daiteke.
Ikastaro horren eskaintza 140 masterrek osatzen dute, horietako 4 Latinoamerikako Sarekoak eta 11 lanbide eskurantzak dituzte. Nobedadeen artean, Euskal Herriko Unibertsitateak hamabi titulazio berri eskainiko ditu; besteak beste, Adimen Artifizial Industriala eta Ordenagailuz Lagunduriko Ingeniaritza Masterra; unibertsitate arteko masterra eta formatu birtualean. Bioetika eta Biozuzenbidea masterra; Aho Kirurgia, Aho Medikuntza eta Inplantologia Masterra, eta Osteointegrazioa eta Aho Errehabilitazioa masterra.
Aurtengo eskaintzak ere bere titulu tradizional eta arrakastatsuetako batzuen programa eguneratu du, hala nola Marketina eta Salmentak Masterra edo Teknologia Aeronautikoetako masterra.
Halaber, stand birtualak ere bisitatu daitezke UPV/EHUren ikastegiei, unibertsitateak eskaintzen dituen beka eta laguntzei, mugikortasunari eta bestelako zerbitzuei buruzko informazioa eskatzeko.
Master bat egiteko aurreinskripzioak
2024-2025 ikasturterako UPV/EHUko unibertsitate masterren aurreinskripzioa egiteko epea martxoaren 4tik-27ra izango da.
Masterren eskaintza kontsultatzeko, hitzaldietan izena emateko edo txatetako ordutegiak kontsultatzeko: go.ehu.eus/masterweek/
Ertzaintzak, Oñatiko Udaltzaingoaren laguntzarekin, 51 urteko gizon bat atxilotu du, joan den ostiralean udalerri horretan…
Ertzainek 22 urteko gizon bat atxilotu dute lesio-delitua leporatuta, antza denez labana batekin eraso egin…
Maria Chivite Navascués Nafarroako Lehendakariak 2026ko Gazteriaren Sarien banaketan parte hartu du asteazken honetan, eta…
Lurralde Kohesiorako Departamentuak, Toki Administrazioaren eta Despopulazioaren Zuzendaritza Nagusiaren bitartez, jada argitaratu ditu Nafarroako toki-erakundeetako…
La vicepresidenta segunda y consejera de Memoria y Convivencia, Acción Exterior y Euskera, Ana Ollo,…
Hezkuntza Departamentuak gaur argitaratu du Castejongo DBHI handitzeko proiektua idazteko eta obrak zuzentzeko lizitazioa, gehienez…