Bikote Solar, 18 urte eguzki-energia enpresa-sektorera eskaintzen

Bikote Solar enpresak hemezortzi urte bete ditu sektore fotovoltaikoan lanean, eta erreferente gisa kokatu da ipar zonaldeko eguzki-panelen instalazioen merkatuan. Bizkaian jaio zenetik, bere ibilbideak eguzki-autokontsumo enpresa-sektorean izandako eboluzioarekin bat egin du. Horregatik, azken sei urteetan hazkunde handia izan du. Hasieratik, bere taldeak 500 enpresa baino gehiagotara eraman du eguzki-energia.

Bikote Solarren historia enpresa-sektorerako autokontsumorako instalazio fotovoltaikoen espezializazioakbideratzen du. 2006. urtean, Tirso Ortizek eta Gorka Maciasek sortuta, hasieran, eguzki-energia fotovoltaiko, termiko eta biomasako instalazioak egiten zituen enpresak. 2016an, EAEko autokontsumoko lehen instalazioa jarri zuen martxan, onartutako lehen araudiaren babesean, eta 2017an proiektu fotovoltaikoetan soilik aritzearen aldeko apustua egin zuen. 2018an, aliantza bat itxi zuen Iberdrolarekin, Euskal Autonomia Erkidegoan eta Kantabrian erreferentziazko eguzki-instalatzaile bihurtuz industria-sektorerako.

Urte horretatik aurrera, sektore fotovoltaikoak garapen handia izan zuen Espainian, Bikote Solarren hazkunde azpimagarria ekarri zuena. 2018tik 2023ra, bere negozioak gora egin zuen. 2018an, salmentak 500.000 eurotik gorakoak izan ziren, eta sei urte geroago, bederatzi milioi eurorekin itxi dute urteko ekitaldia, % 1.700 hazkundea izanik.

Bilakaera antzekoa izan zen instalazioetan. 2018an, 472 kWp-ko potentziako 15 instalazio ekoiztu zituzten; 2023an, berriz, 118 instalazio egin dituzte, 11.830 kWp-ko potentzia zutenak.

Enpresak egindako proiektu fotovoltaikoak ere gero eta nabarmenak dira, potentziari eta kostuei dagokienez. 2018an, proiektu bakoitzeko batez besteko potentzia 31,46 kWp zen, eta batez besteko kostua 33.359 €. Bestalde, 2023an, 100,3 kWp-ko batez besteko potentzia eta 74.230 €-ko batez besteko kostua duten enpresentzako proiektu fotovoltaikoak egin dira.

Ildo beretik, Bikote Solarreko plantilla hiru aldiz handitu da, 9 pertsonatik 30era pasatuz, eta bere ipar zonaldeko ordezkaritzak ere: Euskadi, Nafarroa, Errioxa, Kantabria eta Asturias. Gaur egun, enpresak Bikote Solar Taldea osatzen du. Bizkaian du egoitza, bi filial ditu (Eguzki Kutxa eta Kantauri Eguzkia) eta lau operazio-zentro.

Urte hauetan guztietan, Gorka Maciasen arabera, “proiektuetan erabiltzen dugun teknologia ez da hainbeste aldatu, herritarren kontzientziazioa eta pentsatzeko moduarekin  konparatzen bada. Enpresa mailan, merkatu fotovoltaikoak etengabeko egokitzapena eta berrikuntza behar izan ditu, eta horiek funtsezkoak izan dira gure adin nagusitasunera iristeko”.

Bikote Solar bat dator sektore energetiko eta fotovoltaikoaren erreferentzia diren erakundeekin. Espainiako Batasun Fotovoltaikoaren, Euskal Autonomia Erkidegoko Energiaren Klusterraren eta Energia Berriztagarrien Enpresen Elkartearen kide da.

Jarduera 2023an.

Bikote Solarren azken hiru urteetako ibilbidea esanguratsua da eta enpresa dagoen une ona erakusten du. Hasieratik egindako instalazio fotovoltaiko guztien erdia baino gehiago, epe honetan egin baitira.

2021ean salmentak, aurreko urtearekin alderatuta, 2,5 aldiz biderkatu zituen, bost milioi euro eta 98 instalazioetara iritsiz. Une ezin hobean egonik, beste % 60 hazi zen 2022an, Espainiako eguzki-autokontsumoaren eztandaren urtean, zortzi milioiko salmentetara eta 114 instalazioetara iritsiz. 2023an, ebere hazkundeak jarraitzen du, salmentak % 12 handituz, bederatzi milioi eurora iristeko helburua duelarik.

Iaz egindako 118 instalazioetatik 65 Bizkaian egin ziren, 15 Gipuzkoan, 14 Araban, 11 Kantabria-Asturiasen, 11 Nafarroan eta 2 Errioxan. Enpresa-sektorei dagokionez,  egindako instalazio fotovoltaiko gehienak (47) zerbitzuen eta merkataritzaren sektorean eguzki-autokontsumoa ezartzeko izan ziren. Bigarrenik, industria-sektorerako lan egin du, 45 instalazio eginez arlo horretan. Beste 20 instalazio egin zituen administrazio publikorako, eta 6 bizitegi eta eraikuntza sektorerako.

 

Hazkundearen eta dibertsifikazioaren etorkizuna

 Bikote Solarrek baikor begiratzen dio etorkizunari. Hazkunde moderatuaren joerari jarraitzea eta datozen urteetan urteko salmentak % 10 inguru handitzea da aurreikusten du, urtean batez beste ehun instalazio ekoiztuz, instalazio horiek gero eta handiagoak izango direlarik. 2024an hamar milioi euro inguruko salmentak eta 600 instalazio baino gehiago lortzea espero dute.

57 proiekturekin hasi dute urtea. Besteak beste, ia 2.000 panel fotovoltaiko jarri dira markesina baten gainean Zamudioko multinazional baten instalazioetan; Bilboko Deustuko Unibertsitateko ikasgelategian eta liburutegian eguzki-autokontsumoa ipinoi dira – Iberdrolarekin lankidetzan –, baita ikastetxe eta udaletako zenbait instalazio ere.

Etorkizuneko hazkundearen oinarria, alde batetik, eguzki-energia enpresa-sektorera eramaten jarraitzea izango da eta, bestetik, enpresaren jarduera dibertsifikatzea. Batez ere, industria, merkataritza eta zerbitzuen sektoreetarako aerotermiako negozio-lerro berri bat irekiz, klimatizazioa deskarbonizatzeko beharrari erantzungo diona. Aurten mota horretako bizpahiru instalazio egitea eta profesional espezializatuz hornitzea da Bikote Solarren asmoa, 2025etik aurrera sektore horretan aurreikusten den hazkunde handirako prestatuz.

Enpresa eguzki-energiaren biltegiratzearen esparruan ere sartu da, epe ertainerako aurreikuspenarekin. Egindako instalazioetan biltegiratze-baterien instalazioa indartzen  ari da, eta bateria duten instalazio berriak egitera ekingo diote. Aurten lehenengo instalazioak egingo dira, bizpahiru urte barru jarduera areagotzeko aurreikuspenarekin.

Aldi berean, azken urteetan garrantzia izan duen eguzki-panelen instalazioen mantentze-lanen negozio-lerroak ere hazten jarraituko du.

Eboluzio honekin batera, plantillaren hazkundea progresiboa izango da eta ordezkaritzzk laguntza komertzial eta teknikoarekin indartuko dira.