Ertzaintzako agenteek bi gizon atxilotu zituzten atzo Ikaztegietako etxebizitza batean lapurtzea egotzita, atea eta leiho bat bortxatzeagatik. Lekukoek lapurretaren berri eman zuten, eta handik gutxira patruila batek bi susmagarriak atxilotu zituen.
Gertakaria atzo, igandea, arratsaldeko bostak bost gutxitan gertatu zen, Ikaztegietako (Gipuzkoa) etxebizitza batean. Lekukoek ohartarazi zuten bi pertsonak jarrera susmagarria zutela; batek etxeko atea manipulatzen zuen, eta besteak inguruak zaintzen zituen.
Ertzaintzaren patruila bat bertaratu zen, eta lekukoekin harremanetan jarri ondoren, etxebizitza ikuskatu zuten. Atea bortxatua zegoen, heldulekua desagertua eta leihoetako bat hautsia. Ustezko lapurrak ez zeuden barruan, eta, beraz, bi susmagarrien bila hasi zen polizia.
Handik gutxira, patruilak bi pertsona identifikatu zituen inguruan, lekukoek emandako deskribapenarekin bat zetozenak, eta etxebizitzako atearen heldulekua aurkitu zuten bere gauzen artean. Froga horiek ikusita, patruilak ustezko bi lapurrak atxilotu zituen.
Atxilotuak, 23 eta 26 urtekoak, ertzain-etxera eraman zituzten beharrezko eginbideak egiteko, eta, behin amaituta, aske utzi zituzten, agintaritza judizialak eskatzen dienean agertzeko betebeharrarekin.
Ertzaintzako agenteek 29 eta 25 urteko bi gizon atxilotu dituzte gaur goizaldean Lemoan, bertako Kultur…
Ertzainek 21 urteko gizon bat atxilotu zuten atzo, astelehena, gauean, Donostian, indarra erabiliz lapurreta egitea…
En estos momentos el lehendakari, Imanol Pradales, y la diputada general de Gipuzkoa, Eider Mendoza,…
Datorren astean, maiatzaren 15etik 18ra itsasoa protagonista izango da gure herrian. Itsas ondareari buruzko “Hondarribia…
Marta Oronoz Biurrarenak eta Peru Txintxurreta Ostolazak Pauso Berriak diploma eman diote Hondarribiko Udalari adimen-desgaitasuna…
Bigarren urteurrena dugu Garapen Jasangarrirako eta Elkartasun Globalerako Lankidetzaren Legea onartu zenetik —arau horrek adostasun…