Ertzaintzak agiriak faltsututa zituzten bi ibilgailutan zirkulatzen ari ziren 39 eta 41 urteko bi gizon atxilotu ditu Langraiz Okan. Gainera, aurretik erregaia hartu zuten gasolina-zerbitzugune batean eta ordaindu gabe joan ziren.
Joan den ostiralean, goizeko bederatzi eta erdietan, AP-8an, Oiartzunen, dagoen gasolina-zerbitzugune bateko langileek Ertzaintzari jakinarazi zioten bi gizonek 200 eurotik gorako erregaia ordaindu gabe ihes egin zutela euren autoetan.
Jarraian, bilaketa-dispositibo bat hasi zuten, eta bi ibilgailuak eta gidariak Langraiz Okan (Araba) aurkitu zituzten. Gipuzkoako Trafiko Unitateari atxikitako ETEN talde espezializatuko agenteek aurkitu zituzten susmagarriak, eta identifikatu eta ihes egin zuten bi gidariak zirela egiaztatu ondoren, agenteek ibilgailuen agiriak aztertu zituzten, faltsuak zirela egiaztatuz.
Horren aurrean, bi gidariak, 39 eta 41 urtekoak, atxilotu eta polizia-egoitzara eraman zituzten zegozkion polizia-eginbideak hasteko, eta, horiek amaitu ondoren, agintari judizialaren eskuetan jarri zituzten. Bi gizonak dokumentuak faltsutzearen delituagatik ikertzen ari dira, eta, gainera, susmatzen da gasolina-zerbitzugune horretatik beste dozena bat aldiz alde egin dutela ordaindu gabe.
25_0305 Euskadiko Larrialdi Zerbitzuek Udalatx mendian istripua izan zuen emakume bat erreskatatu dute Euskadiko Larrialdi…
Gasteizen istiluak saihesteko Ertzaintzaren dispositiboak emaitza eman du goizean goizetik, Madrildik iritsitako 118 pertsona identifikatuta.…
Ertzaintzako agenteek, udaltzaingoekin lankidetzan, 44 eta 20 urteko bi gizon atxilotu dituzte gaur goizaldean Ermuan…
Esta madrugada la Ertzaintza ha detenido en Bilbao a dos jóvenes, de 18 y 17…
El Servicio Médico Real Sociedad de Fútbol ha confirmado que Orri Óskarsson ha sufrido una…
Un hombre, de 28 años de edad, fue detenido la madrugada de ayer en Donostia…