Dantzalabeak, Barakaldo Antzokiko dantza guneak, 2024ko deialdiari dagozkion lau egonaldi artistiko eman ditu.

Deialdi honetan, Oihana Varela dantza sortzaile, zuzendari eta ikertzaileak, Andrés Beladiez zuzendari eta antzerkigileak eta Ana López Asensio Barakaldo Antzokiko zuzendariak osatutako balorazio batzordeak proiektu hauek hautatu ditu:

• Almudena Pérez San Vicenteren «Concierto para un cuerpo», Bizkaiko artista/konpainia berrientzako sorkuntza egonaldiaren kategorian.
• Qabalum «Todo este ruido», beste lurraldeetako artista/konpainia berrientzako sorkuntza-egonaldiaren kategorian.
• Matxalen Bilbaoren «Una nada preñada», Bizkaiko artista/konpainia finkatuentzako sorkuntza-egonaldiaren kategorian.
• «Trïade», Colectivo Glovorena (Esther Latorre eta Hugo Pereira), beste lurraldeetako artista/konpainia finkatuentzako sorkuntza egonaldiaren kategorian.

Helburu nagusia artisten zerbitzura dagoen tresna bat izatea da, sortzaileei baldintza materialak eta espazialak eskainiz, eta, aldi berean, Barakaldo Antzokiaren beraren jarduera-eragile bilakatuz.

Gainera, horien bidez profesionalizazioan eta prestakuntzan lagundu nahi da, bai artista finkatuen kasuan, bai ibilbide laburragoa duten artista berrien kasuan, herritarrei dantza garaikideari lotutako hausnarketa artistikorako sarbidea errazten zaien bitartean.

Lau egoitza artistikoak, bi astekoak eta guztira 7.260 €-koak, 2024ko apirila eta abendua bitartean egingo dira.