Ertzaintzako agenteek gizon bat atxilotu dute Donostian, indarkeria erabiliz egindako lapurreta, kalteak, iruzurra, agintaritzaren agenteen aurkako atentatua eta bide-segurtasunaren aurkako delitu bat leporatuta.
Maiatzaren 17an, 21:30 aldera, atxilotua, 25 urtekoa, biktimari kalean hurbildu zitzaion, eta indarrez tira eginda poltsa kendu eta ihes egin zuen. Gertatutakoa ikusi zuen lekuko bat korrika irten zen haren atzetik, eta biktimaren gauza batzuk berreskuratzea lortu zuen. Hala ere, ustezko lapurrak auto batean sartu eta, berak gidatuz, alde egin zuen.
Bien bitartean, biktimak erasotzailearen ihesari buruzko informazioa jakinarazi ahal izan zion Donostiako Ertzain-etxeari, eta polizia-baliabideetako batek aurkitu zuen gizona ihes egiteko erabili zuen ibilgailua gidatzen. Kontatutako gertakarien aurrean, polizia-baliabidea autoa geldiarazten saiatu zen, baina gidariak ez zien jaramonik egin agenteen jarraibideei eta ihes egin zuen. Ihesean, polizia-ibilgailua jo zuen eta ezin izan zion atzetik segi.
Azkenean, atzo, osteguna, 23:25 aldera, gizona Gipuzkoako hiriburuko Egia auzoan aurkitu eta atxilotu zuten, eta maiatzaren 17an biktimari lapurtutako banku-txartelak eta agiriak zeramatzan.
Atxilotua, polizia-eginbideak amaitu ondoren, agintari judizialaren eskuetan jarri dute.
Arrancará en octubre de 2025 y formará profesionales capaces de interpretar y aplicar datos estratégicos…
Los Servicios de Emergencias de Euskadi recuperaron ayer por la tarde el cuerpo sin vida…
El Ayuntamiento de San Sebastián ha dado a conocer el cuarto informe sobre incidencias de LGTBI+fobia…
El pasado viernes el auditorio de Tabakalera colgó el cartel de completo para acoger una…
El pasado sábado 24 personas que viajaban en un tren de la línea de cercanías…
Un varón de 23 años de edad fue detenido a primera hora de ayer en…