24_0313 Donostian atxilotu dute hondartzatik motxila bat indarkeria erabiliz lapurtu nahian ari zenean
Prentsa zerbitzua
2024-05-30
Ertzainek 19 urteko gazte bat atxilotu dute Donostian, indarkeria erabiliz lapurreta egitea leporatuta, Kontxako hondartzatik motxila bat lapurtu nahian ari zenean lapurretaren lekuko baten aurka kristalezko botila bat erabiliz.
Atzo, asteazkena, 20:15 aldera, delitu-egintzen prebentzio-lanetan ari ziren Ertzaintzako agenteek lapurreten eta ebasketengatik aurrekariak dituen gazte bat ikusi zuten Kontxako pasealekuan eta hondartzan zokomiran.
Ertzainek ikusi zuten gazte horrek bere toalla bainulari batzuen gauzak zituen beste toalla baten ondoan jarri zuela. Halako batean, susmagarriak motxiletako bat hartu zuen eta hondartzako arkuperantz abiatu zen. Lekuko batek egindakoa gaitzetsi zion eta lapurtutako motxila bere lekura itzultzeko eskatu zion, eta, horren aurrean, gazteak kristalezko botila bat erakutsi eta jotzeko mehatxua egin zion. Une horretan polizia-baliabideek esku hartu zuten gerta zitekeen erasoa eragozteko eta gaztea atxilotzeko, indarkeria eta beldurra erabiliz lapurreta egitea leporatuta. Lapurtutako motxila jabeari itzuli zioten.
Atxilotua gaur goizean jarri dute Donostiako Guardiako Epaitegiaren eskuetan.
Sari banaketa maiatzaren 24an, 12:00etan, Udaletxean egingo da Donostiako Udalak. Euskara Zerbitzuaren bitartez, Koldo Mitxelena…
Aurten Donostia Kirolaren laguntza izango du eta besteak beste, Joan Manuel Serrat, Grison, Laura Ferrero,…
Jaurtigai bat aurkitu ondoren, Udaltzaingoak itxi egin du Autonomia kaletik, Euskaltzaindiaren plazatik, San Bizente kaletik…
Green Series txirrindularitza lasterketaren edizio berri bat hartuko du larunbat honetan Barakaldok, eta 300 parte-hartzaile…
Ekieneak Euskadiko parke fotovoltaiko handiena garatzeko aldeko Ingurumen Inpaktuaren Adierazpena (IIA) lortu du. Instalazio berriztagarria…
Erakusketak 31 sortze-lan biltzen ditu guztira, Cristóbal Balenciagarenak batzuk eta Demnarenak besteak: moda-etxearen sortzailea lehena, markaren…