Ertzaintzako agenteek 33 eta 43 urteko bi gizon atxilotu zituzten atzo, larunbata, arratsaldean Barakaldon, etxebizitzan indarra erabiliz lapurtzea egotzita. Delitugintzaren arloan ateak irekitzeko erabili ohi diren hainbat tresna aurkitu zizkioten, baita etxe batean lapurtutako hainbat bitxi ere.
Atzo, arratsaldeko zazpi eta erdiak aldera, herritar batek Ertzaintzari jakinarazi zion lehentxeago gizon batzuk Barakaldoko eraikin bateko atezain automatikoaren txirrinak ausaz jotzen ikusi zituela, eta, jarraian, atari horretara sartu zirela, sarraila manipulatuz. Herritarren babeserako patruila bat berehala hurbildu zen adierazitako eraikinera, eta sarrerako atean bortxatze-zantzuak zeudela ikusi zuten.
Ertzainek barrualdea ikuskatu zuten, eta eskailera-buruan bi gizon aurkitu zituzten. Identifikatu egin zituzten, baina egiaztatu zuten ez zirela bertan bizi eta ez zutela azalpen logikorik eman han egotearen arrazoiari buruz.
Gaizkileek sarrailak eta plastikozko xaflak behartzeko erabili ohi dituzten hainbat tresna aurkitu zizkioten, «irristada» metodoaren bidez etxeetara sartzeko. Susmagarrietako batek, gainera, hainbat bitxi zituen poltsikoan. Jakin ahal izan zutenez, bitxiak etxe horretako etxebizitza batean lapurtu zituzten, eta bertara sartzea lortu zuten.
Egoera horren aurrean, atxilotu egin zituzten biak, eta, jarraian, ertzain-etxera eraman zituzten, beharrezko eginbideak egiteko, agintaritza judizialaren esku utzi aurretik.
Ertzaintzak 19 urteko gazte bat atxilotu zuen atzo, igandea, goizaldean Gasteizen lesio-delitu bat leporatuta, borrokan…
• Aurten hogeita hamar ikastetxek parte hartzen dute “Forensic Science" jardueran, Arteekin lotutako STEAM proiektuan,…
Actualmente la tasa de pobreza infantil en el estado español es del 29%, en Europa…
Ayer, domingo, agentes de la Unidad de Vigilancia y Rescate (UVR) de montaña de la…
La Asociación y el Colegio Vasco de Periodistas y la Facultad de Ciencias Sociales y…
Dos menores fueron rescatados este domingo por la tarde en la costa de Zarautz después…