Ertzaintzako agenteek 29 urteko gizon bat atxilotu dute Getxon, indarkeriaz egindako lapurreta-delitu bat egotzita. Emakume bati eraso egin ondoren bide publikoan, lepoan zituen kateak «tiraka» hartuta. Atxilotua epailearen esku utzi dute, eta espetxeratzeko agindua eman dute.
Joan den asteartean, arratsaldeko zortziak aldera, Ertzaintzari jakinarazi zioten zenbait pertsonak gizon bat atxikita zutela Algortan, ustez lapurreta bat egin zuelako. Jakinarazi zutenez, gizonak bortizki hurbildu zitzaion adineko emakume bati, eta, tiraldi gogor baten bidez, lepoan zeramatzan bi kate kendu zizkion. Ondorioz, adineko emakumea lurrera erori zen.
Antza denez, gertakaria ikusi zuten hainbat pertsona lapurraren atzetik atera ziren, eta ihes egitea eragotzi zioten, nahiz eta lapurrak jarrera oldarkorra izan uneoro.
Aipatutako lekura berehala joan ziren ertzainek susmagarria identifikatu eta atxilotu zuten, indarkeriaz egindako lapurreta-delitu bat egotzita, beharrezko egiaztapenak egin ondoren. Biktimak, jasandako lesioen ondorioz, osasun-laguntza behar izan zuen.
Atxilotuak aurrekari ugari zituen antzeko delituetan parte hartzeagatik, eta ertzain-etxera eraman zuten jarraian. Beharrezko eginbideak amaitu ondoren, epailearen aurrean aurkeztu dute, eta espetxeratzeko agindua eman dute.
Ertzaintzak telefono mugikorrak, ordenagailu eramangarriak eta gama altuko bestelako gailu elektronikoak errezibitzen, manipulatzen eta, ondoren…
Ertzaintzak egin duen ikerketa baten ondorioz, joan den abuztuan Zaramagako etxebizitza batean lapurreta egin zuen…
Lehen topaketa arrakastatsua izan ondoren, Foru Komunitateak ‘Nafarroa bizikletan Nazioarteko Biltzarraren’ bigarren edizioa antolatu du,…
Industriako eta Enpresen Trantsizio Ekologiko eta Digitalerako Departamentuak Valencia Digital Summit (VDS) ekitaldian parte hartu…
Nafarroan azken 35 urteetan eraiki diren 58.656 etxebizitza babestutatik %56, hots, 32.387 etxebizitza, babestu gisa…
Nafarroako hainbat eragilek Pirinioetako Lan Komunitatearen (CTP) Interreg POCTEFA 2021-2027 programaren bigarren deialdira aurkeztutako mugaz…