24_0378 Eskoriatzan atxilotu dute beste bi gizoni botila batekin eraso egin ondoren
Servicio de prensa
2024-06-30
Ertzainek 27 urteko gizon bat atxilotu dute gaur, igandea, goizeko lehenengo orduan, Eskoriatzan, borrokan ari zirela beste bi herritarri hautsitako kristalezko botila batekin eraso egin eta ebakiak eragin ondoren. Bi zaurituak ospitalera eraman behar izan dituzte.
Gaur goizeko zortziak baino lehentxeago, polizia- eta osasun-zerbitzuen laguntza eskatu dute Eskoriatzan, lehentxeago izan den borroka batean bi pertsona zauritu direla esanez. Berehala hurbildu da adierazitako lekura inguruan zaintza-lanetan ari zen herritarren babeserako patruila bat, eta bertan aurkitu duten gizon batek ebakiak zituen lepoan eta sabel parean eta beste bat odola dariola zegoen belarrian zuen zauri batetik. Agenteek jakin ahal izan dutenez, pertsona batek eraso egin die biei hautsitako kristalezko botila batekin, eta adierazitako zauriak eragin dizkie.
Lekura agertu diren osasun-zerbitzuek egiaztatu dute bi zaurituak Debagoieneko Ospitalera eraman beharko zirela.
Agenteek egindako ikerketari esker identifikatu ahal izan dute ustezko erasotzailea, eta beharrezko frogaketak egin ondoren atxilotu dute. Atxilotua polizia-egoitzara eraman dute gero, zegozkion izapideak egin eta, horiek amaitzean, agintari judizialaren eskuetan jartzeko.
Ertzainek 23 urteko gizon bat atxilotu dute gaur goizaldean Donostian, iruzur-delitu bat eta ebasketa-delitu bat…
El Ayuntamiento de Bilbao reúne a los nombres más actuales del bertsolarismo en Santutxu los…
El sindicato ELA ha convocado una jornada de huelga para el 21 de mayo que…
El Instituto Vasco de Consumo, Kontsumobide, ha llevado a cabo tres campañas de inspección que…
La Guardia Civil de Bizkaia ha intervenido un total de 54 piezas de marfil que…
Jarduera-programa zabal bat antolatu da maiatzaren 10ean ‘Bidezko Merkataritzako produktu bat dago eguneko une bakoitzerako‘…