Louis, Etxeberria eta Karsten, Egian izango dira gaur (19,30etan)

Hamaika hilabete baino gehiago partidu ofizialean pistetatik aldenduta egon ondoren, Melinda Louisek minutu batzuk izango ditu gaur ere Egiako Torneoan (19,30etan). Super Amara Bera Berak Replasa Beti Onak hartuko du, abuztuaren 30ean (21etan, TDP) Guerreras Iberdrola 24-25 Liga inauguratuko duten bi taldeak, alegia.

Berri onak ez dira hor amaitzen. Maitane Etxeberria Olinpiar Jokoetatik iskioetan zuntz haustura zuela etorri zen, eta senda-agiria jaso zuen. Asteartean bertan aritu zen taldearekin. Elke Karsten, bere aldetik, bihurritu egin zen ezker orkatilan, baina argentinarra erritmo motelagoan entrenatu da eta gaur Egian egon nahi du. Eszter Ogonovszkyk Summer BAG txapelketa ezker hankan kolpe batekin bukatu zuen, baina bere lehiaketa ez dago arriskuan.

Lehen aldia izango da 2023ko irailaren 9tik, hau da, Gascan egin zen Iberiar Superkopako finaletik, Imanol Álvarezek jokalari guztiak eskura izatea, ez % 100ean, ordea. Eider Tapiak eta Elene Vazquezek osatuko dute biharko deialdia.

Bestalde, Replasa Beti Onak taldeak blokeari eutsi dio, lehen lerroan Rocio Rojasekin indartu da (Gijon eta Malagako jokalari ohia, besteak beste) eta pibotean Libe Arruabarrena oriotarra fitxatu du – jubenilen Munduko Txapelketa jokatzen ari da Txinan, Andrea Saez zumaiarrarekin batera-.

Ondorioz, partida interesgarria izango da, super amara Bera Bera osorik joango baita, Gipuzkoako zaleek bost jokalari berriak ezagutu ahal izango dituzte eta Replasa Beti Onak izango da aurkaria abuztuaren 30eko Ligako debutean (Indurain anaiak, 21etan). Kluba autobusa antolatzen ari da.