24_0501 Oyón-Oion-en atxilotua ibilgailu bat nahita erretzeagatik
Servicio de prensa
2024-09-07
Ertzaintzako agenteek 22 urteko gizonezko bat atxilotu zuten atzo, ostirala, Oionen (Araba), suteak eragindako kalteen ustezko delitu bat egitea egotzita, bide publikoan aparkatutako ibilgailu bati nahita su emateagatik.
Gertakariak ostiral goizaldean izan ziren, 04:00ak aldera, Oiongo (Araba) Rio Grande kalean.
Ordu horretan, Ertzaintzaren aginte- eta kontrol-zentrotik larrialdi-zerbitzuei deitu zieten, aipatutako kalean ager zitezen; izan ere, auto bat erretzen ari zen, eta bertan aparkatuta zeuden gainerako ibilgailuak ere su hartzeko arriskuan zeuden.
Guardiako ertzain-etxeko zenbait patruila eta suhiltzaile-talde bat bertaratu ziren ingurua hesitu eta sua itzaltzeko. Sutearen ondorioz, auto bat erabat kiskali zen eta haren ondoan aparkatuta zegoen beste ibilgailu batek hainbat kalte eta narrio jasan zituen. Suhiltzaileek sua itzali ondoren, agenteek gertakariaren lekuan zeuden hainbat pertsona identifikatu zuten. Identifikatutako pertsonen artean, autoa nahita erre izanaren ustezko egilea aurkitu zuten agenteek. Jarraian, Ertzaintzak 22 urteko gazte hori atxilotu zuen sutearen ustezko kalte-delitu bat egotzita, ibilgailuaren kanpoaldea gasolinaz bustitzeagatik eta su emateagatik.
Urtarrileko Udalbatzan, terrazen behin betiko ordenantza onartzeaz gain, Hondartza kiroldegiaren egoerari buruzko eztabaida izan da,…
Andrea Villamor Sanchezen “Inauterietan sardinak hegan!” lana izango da 2026ko Hondarribiko Inauterien irudia. Guztira 15…
A* Jesús Garzaron/Gobierno de Navarra F* 2026_02_02 T* La vicepresidenta Alfaro presenta en rueda de…
Nafarroako Gobernuko Memoria eta Bizikidetzako, Kanpo Ekintzako eta Euskarako Departamentuak, Kanpo Ekintzako Zuzendaritza Nagusiaren bitartez,…
Nafarroako Gobernuko Landa Garapen eta Ingurumen kontseilari José Mª Aierdik Nafarroako ardoa «barietateen eta ekoizpen…
Trafikoaren zirkulazioa hobetzeko lanak hasi dira A-15 autobidean, Iruña Mendebaldeko ingurabidean. Nafarroako Gobernuaren jarduerak funtsezko…