Udazkena Rock ostiralero itzuliko da urriaren 11ra arte, San Vicente, Santa Teresa, Zaballa, Zuazo-Arteagabeitia eta Herriko Plazan izango diren emanaldiekin
Zuzeneko musika Barakaldoko kaleetara itzuliko da ostiral honetan, hilak 13. Barakaldoko Udalak Barakaldo Udazkena Rock jaialdiaren edizio berri bat antolatu du. Kultura Sailak, Bizkaiko Foru Aldundiaren laguntzarekin, tokiko musikaren aldeko apustua egin du eta herritarrei auzoetako plazetan rock taldeak ezagutzeko aukera eskaini die. Oraingo honetan, herriko hamar talde izango dira entzungai urriaren 11ra arte San Bizente, Santa Teresa, Zaballa, Zuazo-Arteagabeitia eta Herriko Plazan. «Duela hilabete batzuk zuzeneko musikaz gozatu ahal izan genuen Lorategi Botanikoan, eta orain berriro itzuli gara Udazkena Rockekin, bertako musika bultzatzen duen programarekin, gure talde eta artistei lagunduz», azaldu du Nerea Cantero Kultura eta Hezkuntza zinegotziak.
Edizio honetan bost hitzordu programatuko dira, eguneko bi bandarekin. Kontzertuetan bi talde ezberdin izango dira protagonista. Jaialdia irailaren 13an, ostirala, hasiko da, Últimas Voluntades eta Elektrika taldeekin, San Vicenten. Irailaren 20an Malestar eta Natxo ‘s Dick taldeek joko dute Santa Teresan. Irailaren 27an, Zaballan (Elkano metroaren ondoan), Monotonos eta Enrockecidos taldeen musika entzungo da.
Urriaren 4an, Kinki Boys eta Pleonakis Plektos arituko dira Zuazo Arteagabeitian. Azken kontzertua urriaren 11n izango da, Herriko Plazan, Izan Ezean eta Kruela taldeekin.
Kontzertuak 20:00etan hasiko dira eta erabat doakoak dira.
Barakaldoko Udaleko Garapen Agentziako Zuzendaritza Kontseiluak 210.000 euroko partida ekonomikoa onartu du aurten «Barakaldo Kontsumo…
Psikologia herritarrengana, eta bereziki gazteengana, hurbiltzeko asmoz, Bizkaiko Psikologia Elkargoak Barakaldora hurbilduko du Psikologia Kalean…
Maiatzaren 15etik 23ra ospatuko da, Elkarrizketa eta Garapenerako Kultur Aniztasunaren Nazioarteko Egunarekin bat eginez Kulturen…
Jon Insausti alkateak kohesio sozialaren, jasangarritasunaren eta parte-hartze demokratikoaren balioak aldarrikatu ditu Europako Astearen hasieran…
22 plaza eta parketan izango da Parketarrak egitasmoa Donostiako hemezortzi auzotako 22 gunetan antolatuko da…
Ertzainek 23 urteko gizon bat atxilotu dute Arrankudiagan, trafikoko prebentziozko kontrol batean Bilbon lapurtutako auto…