Gobernu Kontseiluak, Kultura eta Hizkuntza Politika sailak eskatuta, gaurko bileran onartu du Arte Ederren Bilboko Museoa fundazioari 166.667,00 euroko dirulaguntza zuzena ematea, inbertsioen aurrekontua finantzatzeko.
Arte Ederren Bilboko Fundazioaren Patronatuak 2023ko abenduan aurkeztutako Jarduketa Planaren arabera, 2024an egin beharreko inbertsioen kostua, guztira, 1.405.000,00 eurokoa da: ekipamendurako, 405.000,00 euro; funts artistikorako, 600.000,00 euro; eta Arteder, euskal artearen datu baserako, 400.000,00 euro.
Aurrekontu hori, Patronatuko kide diren hiru erakunde publikoen artean estali behar da: Eusko Jaurlaritza, Bizkaiako Foru Aldundia eta Bilboko Udala. Hala, erakunde bakoitzak 468.334,00 euroko dirulaguntza eman behar dio 2024an Arte Ederren Bilboko fundazioari.
2023ko abenduan Arte Ederren Bilboko Museoa fundazioaren Patronatuak Jarduketa Plana onartu zuenean, EAE aurrekontuen proiektua onartuta zegoen eta, beraz, dirulaguntza zuzen hau bi zatitan banatu da: lehen zatia, Kultura eta Hizkuntza Politikako sailburuaren 2024ko martxoaren 25eko aginduaren bidez, 301.667,00 euro; eta, bigarren zatia, gaur onartu den ez ohiko dirulaguntza bitartez, 166.667,00 euro.
Maiatzak 17 eta 18 Maiatzaren 18an ospatzen da Museoen Nazioarteko Eguna (MNE), 1977an ICOMek (International…
Ekimena ‘Arduratu’ kanpainaren parte da, eta herritarrak animatzen ditu hondakinen kudeaketaz arduratzeko Donostiako Udalak aste…
Tokiko Gobernu Batzarrak onartutako beste gai batzuk: Groseko haur-eskola eta hondartzen zaintza zerbitzuaren kontratazioa Etika…
Etxebizitza, Plangintza eta Hirigintza Kudeaketako zinegotzi Juan Antonio Pizarrok adierazi duenez, «arloak maiatzean Barakaldoko Udaleko…
EuskoTren ligan sailkapen onena lortzen duen Donostiako kluba izango da hiriko ordezkaria Kontxako Banderaren bi…
Barakaldok 1.621 plaza baino gehiago eskaintzen ditu uda honetan aisialdiko elkarteek eta klubek antolatutako udalekuetan.…