Ertzaintzako 37 agentek osatutako ordezkaritzak 73 domina (urrezko 43 , zilarrezko 11 eta brontzezko 19) lortu ditu Portugalen, Bragan, urriaren 11tik 20ra bitartean, egin diren “European Police & Fire Games 2024” jokoetan, parte hartu duten diziplina guztietan.
Atzo, igandea, “X European Police & Fire Games” jokoei amaiera emateko zeremonia egin zen. Europako kirol anitzeko ekitaldi garrantzitsuenetako bat da, eta 30 herrialde baino gehiagotatik iritsitako milaka parte-hartzaile izaten ditu. Segurtasunaren eta larrialdien esparruko kirol-lehiaketa nagusia da.
Ertzaintzaren taldea 6 emakumek eta 31 gizonek osatu dute, eta Bragan (Portugal) egin diren Europako joko horiek iraun duten 10 egunetan lortu dituzten 73 dominarekin itzuli dira Euskadira. Parte hartu duten ertzainek kirol-maila bikaina erakutsi dute, eta dominak hainbat diziplinatan lortu dituzte:
-Urrezko 43, txirrindularitza (14), igeriketa (8), Jiu-Jitsu (5), powerlifting (4), ergometroa (4), judoa (2), atletismoa (1), borroka librea (1) eta crossfit (1), taekwondo (1), tiroa (1) eta traila (1) diziplinetan banatuta.
-Zilarrezko 11, atletismoa (5), txirrindularitza (1), tiroa (1), Jiu-Jitsu (1), duatloia (1) eta orientazioa (1) eta traila (1) diziplinetan banatua.
-Brontzezko 19, txirrindularitza (5), Jiu-Jitsu (3), igeriketa (2), crossfit (1), orientazioa (1), borroka librea (1), cross country, (1) duatloia, padela (1), saskibalioa (1), dardoak (1) eta traila (1).
Ertzaintzak esperientzia zabala du nazioarteko kirol-lehiaketetan, eta 1997tik ari da Europako polizia eta suhiltzaileen joko hauetan parte hartzen. Azken edizio honetan, hamargarrenean, lortutako emaitzekin, Ertzaintzaren ordezkariek jada 425 domina lortu dituzte Europako txapelketa honetan.
Bestalde, irailaren 8an, Burtzeñan, pabiloi bat okupatzea saihestu du berriro Udaltzaingoak. Angel Madrazo zinegotziaren esanetan,…
Nora Beltran de Otalorak Eusko Jaurlaritzako Elikadura, Landa Garapen, Nekazaritza eta Arrantza Saileko Elikagaien Kalitate…
Imanol Pradales Lehendakariak ‘Foro Agenda Atlántica’ ekitaldian parte hartu du arratsaldean. Guggenheim Bilbao Museoan egin…
Lehen lehendakariorde eta Kultura eta Hizkuntza Politikako sailburu Ibone Bengoetxeak Getxon antolatu den 2025eko Euskaraldiaren…
Eusko Jaurlaritzako Zientzia, Unibertsitate eta Berrikuntza Saila Zientzia, Berrikuntza eta Unibertsitate Ministerioarekin hizketan ari da…
Imanol Pradales Lehendakariak Alfonso Rueda Galiziako Xuntako presidentea hartu du gaur arratsaldean, Ajuria Enean. Bi…