Imanol Pradalesek ‘Basque Culinary World Prize’ saria eman dio Andrés Torres sukaldariari, gaur arratsaldean BCCn egindako ekitaldian, Donostian
Imanol Pradales Lehendakariak Basque Culinary World Prize 2024 sariaren 9. edizioan parte hartu du, gaur arratsaldean, BCCren egoitzan, Donostian. Pradalesek edizio honetako irabazle Andrés Torres sukaldariari eman dio saria. Torresek saria jaso du Global Humanitaria GKEaren bidez 10 herrialdetako elikagaien segurtasunaren alde egindako lanagatik eta gastronomiaren bidez mundu osoko zenbait krisi-egoeratan egindako esku-hartzeengatik. Era berean, praktika jasangarrietan oinarritutako Casanova jatetxea sortzeagatik ere saritu dute.
Lehendakariak irabazlea zoriondu du, eta gastronomiarekiko duen begirada berezia nabarmendu du: “Begirada pertsonal eta profesionala du, hitz batean laburbiltzen dena: konpromisoa”, Pradalesen hitzetan. “Euskaraz sukalde lana terminoa erabiltzen dugu. Esamolde horrek adierazten du zerbait lortzeko aldez aurretik egin beharreko ahalegin eta konpromiso guztia. Gaur sari honekin balioan jartzen dugun ahalegin eta konpromiso isil hori sinbolizatzen duzu”, esan dio Lehendakariak irabazleari.
Pradalesek Andrés Torresek erakutsitako konpromisoa lehen sektoreak gure gizartearekin duenarekin parekatu du. “Andres Torres konpromiso horren eredu argia da: gehien behar dutenekin, elikaduraren segurtasunarekin, bertako produktuekin, baita jasangarritasunarekin ere”.
Tokian-tokian jardutea, ikuspegi globalarekin
Gastronomiak ekimen eraldatzaileak bultzatzeko duen gaitasuna nabarmendu du Pradalesek, ezaugarri hori bera aitortzen duelako, hain zuzen ere, sari horrek. Basque Culinary World Prize-rekin “tokiko eremuan, zero kilometroko gastronomian, ikuspegi global batekin jarduten duten pertsonen balioa goraipatu nahi dugu. Berrikuntza, teknologia, hezkuntza, ingurumena, osasuna, elikagaien industria, garapen sozial eta ekonomikoan ekimen eraldatzaileak bultzatzen dituzten pertsonak”, adierazi du Lehendakariak.
BCCren konpromisoa hezkuntzarekin, integrazioarekin eta talentuarekin
Imanol Pradalesek Basque Culinary World Prize-ren aurtengo edizioan plazaratu nahi den mezu globala azpimarratu du: “Elikadura hezkuntza, gizarteratzea eta talentuaren dibertsifikazioarekiko konpromisoa. Gastronomiak gure bizitza sozial eta komunitarioan duen garrantzia erakusten duen mezua. Gure herrian eta planeta osoan”.
Ertzainek 22 urteko gizon bat atxilotu dute lesio-delitua leporatuta, antza denez labana batekin eraso egin…
Maria Chivite Navascués Nafarroako Lehendakariak 2026ko Gazteriaren Sarien banaketan parte hartu du asteazken honetan, eta…
Lurralde Kohesiorako Departamentuak, Toki Administrazioaren eta Despopulazioaren Zuzendaritza Nagusiaren bitartez, jada argitaratu ditu Nafarroako toki-erakundeetako…
La vicepresidenta segunda y consejera de Memoria y Convivencia, Acción Exterior y Euskera, Ana Ollo,…
Hezkuntza Departamentuak gaur argitaratu du Castejongo DBHI handitzeko proiektua idazteko eta obrak zuzentzeko lizitazioa, gehienez…
Nafarroako Gobernuak, gaurko bilkuran, 150.000 euroko diru-laguntzaren deialdia baimendu du, migratzaileen ezohiko erregularizazio-prozesuan (joan den…