Bilbon atxilotu dituzte beste bi herritarri arma zuriekin eraso egin ondoren

Bilbon atxilotu dituzte beste bi herritarri arma zuriekin eraso egin ondoren

Ertzainek 33 eta 36 urteko bi gizon atxilotu dituzte gaur, astelehena, goizaldean, borrokan ari zirenean beste bi herritar arma zuriekin zauritu ondoren. Erasotuek ebakiak zituzten aurpegian eta lepoan, eta ospitalera eraman behar izan dituzte.

Bart gauerdian, poliziaren laguntza eskatu dute Zorrotzaurren, pertsona batzuk borrokan ari zirela eta arma zuriak zituztela esanez. Zaintza-lanetan ari zen Bilboko Ertzain-etxeko herritarren babeserako patruila bat hurbildu da adierazitako lekura, eta aurpegian eta lepoan zauriak zituzten bi gizon aurkitu ditu bertan.

 Zaurituek adierazi dutenez, arma zuriak zeramatzaten beste bi pertsonak eraso egin diete borrokan ari zirenean, eta zauritu egin dituzte. Zaurien ondorioz, ospitalera eraman behar izan dituzte biak.

 Ustezko erasotzaileak handik pixka batera aurkitu ahal izan dituzte, inguruan dagoen pabiloi abandonatu bateko azkeneko solairuan ezkutatu nahian ari zirenean. Identifikatu eta beharrezko egiaztapenak egin ondoren, biak atxilotu dituzte homizidio-saiakera leporatuta.

 Atxilotuak polizia-egoitzara eraman dituzte beharrezko izapideak egitera, gero agintari judizialaren eskuetan jartzeko.