Osakidetzak erabaki du Pablo Busca Ostolaza izendatzea Osakidetzako Emergentzietako zuzendari berria, eta kargu horretan Ane Beitia Arriola egungo arduraduna ordezkatuko du bihartik aurrera.
Pablo Busca Ostolaza donostiarra UPV/EHUko Medikuntza eta Kirurgian lizentziaduna da Familia eta Komunitate Medikuntzako espezialitatean, eta 25 urte baino gehiagoko ibilbide luzea egin du Osakidetzan, Donostia Unibertsitate Ospitaleari lotuta. Bertan, lehenik, Larrialdietako mediku gisa jardun du, eta, ondoren, 15 urtetik gora, Larrialdietako Zerbitzuko buru gisa; zerbitzu horretan, bost urtez jarraian, Estatuko Larrialdi Zerbitzu onenaren Best in Class sari ospetsua eskuratu zuen.
Kudeaketaren atalean, 2015eko abendutik Madrilgo Erkidegoko SUMMA 112 Larrialdi Medikoko Zerbitzuko zuzendari kudeatzaile gisa egindako lanagatik nabarmentzen da. Postu hori 2022an utzi zuen, Kantabriako Osasun Zerbitzuko Lehen Mailako Arreta zuzentzeko. Bihartik aurrera Euskadiko Emergentzien kudeaketa bere gain hartuko du.
Arlo akademikoan, Pablo Busca Ostolaza UPV/EHUko ohorezko irakaslea da, eta Larrialdietako Medikuntzari buruzko bibliografia indibidual eta kolektibo zabala idatzi du, baita Estatuko zein nazioarteko jardunaldi eta biltzarretako komunikazio eta ponentzia ugari ere. Erantzukizuneko beste kargu batzuk ere bete ditu, hala nola Sociedad Española de Medicina de Urgencias y Emergencias (SEMES) sozietateko presidenteordearena.
Fitness class exercising in the studio at the gym 22.967 plaza eskaintzen dira, udal kirol-instalazio…
Neurria ekainaren 16an jarriko da martxan eta bertakoek aparkatzea erraztuko du Donostiako Udalak Manteo (2-2…
Ikusmena atzemateko sistema duen ibilgailu sentsorizatu batek kaleak digitalizatuko ditu, eta zoruaren egoera automatikoki identifikatu…
Datorren ikasturtetik aurrera, euskaltegietan A2 oinarrizko mailan matrikulatzen den pertsona orok ia doan egin ahal…
Begoña Pedrosa sailburua Eusko Jaurlaritzako Hezkuntza sailak antolatu duen “Irakasleon Garapen Profesionala” azokan izan da…
Imanol Pradales Lehendakaria, Mikel Torres lehendakariorde eta Ekonomia, Lan eta Enplegu sailburuarekin eta Amaia Barredo…