Javier Hurtado Turismo, Merkataritza eta Kontsumoko sailburua eta Jakes Aguirrezabal Turismo eta Merkataritzako sailburuordea Ana Abadekin, Booking plataformako gai publikoetako arduradunarekin, elkartu dira, bien arteko lankidetza sakontzeko, legez kanpoko etxebizitza turistikoei aurre egiteko helburuarekin.
Iraupen Laburreko Alokairuen Europako Erregelamendu berria 2023an onartu zen eta 2026an sartuko da indarrean, eta turismoaren arloan eskumena duten administrazioen eta plataformen arteko lankidetzarako eta informazioa trukatzeko mekanismoak ezartzen ditu, legez kanpoko etxebizitza turistikoei aurre egin ahal izateko. Informazioa trukatzeko prozesu hori Espainiako Gobernuaren leihatila bakarraren bidez egingo da, eta bertan autonomia-erkidegoek turismo-administrazio eskudun gisa parte hartuko dute.
Euskadik erabilera turistikoko etxebizitzei buruzko dekretu bat du 2018tik, bai eta erregistro bat (REATE) ere, eta aurreratuta dauka, beraz, kontrol- eta erregulazio-lana. Alde horretatik, Booking plataformarekin egindako bileraren helburua kontrol hori eta lankidetza indartzen jarraitzea da, leihatila bakarra garatu aurretik, hobeto detektatu ahal izateko eta plataforman baja eman ahal izateko REATE erregistro-zenbakirik ez duten etxebizitzei, Euskadiko legeriak ezartzen duen bezala.
Booking erabat prest agertu da ezkutuko etxebizitzen aurkako borrokan laguntzeko, eta lankidetza-lan hori errazteko konpromisoa hartu du, beraz.
Sailburuak gogoratu du Euskadin erabilera turistikoko etxebizitzen ehunekoa etxebizitza guztien % 0,48koa dela, Espainiako eta beste autonomia-erkidego batzuetako batez bestekoaren oso azpitik. Hala ere, horien kontrola indartzen jarraitu behar dela adierazi du, “azken urteotan egin dugun bezala erregulazioaren bidez, 2018ko dekretuarekin eta nahitaezko erregistroarekin, eta ikuskapenaren bidez, eta egunez egun jarraitzen dugu lan hori indartzen. Horregatik, plataforma guztiekin bilerak egiten jarraituko dugu, lankidetza-mekanismoak eta iruzurraren aurka jarduteko tresnak indartzeko”.
Maiatzeren 7tik 24ra Poltsiko Antzerki Jaialdia formatu txiki eta ertaineko antzerki-ikuskizunen erakustaldia da, eta urtero…
Ekimena gaurtik aurrera garatuko da Herriko Plazan, Elkanon, Gurutzetan eta Euskadi Etorbidean. «Gazteak dauden lekuan…
Jokalekuko lanak datorren maiatzaren 12an hasiko dira eta zelai berria 2026ko urrian estreinatzea ahalbidetuko dute…
Barakaldo, maiatzak 4. Amaia del Campo Barakaldoko alkateak, Nerea Cantero Kultura zinegotziak, Sonia Sáenz «la…
A* Jesús Garzaron/Gobierno de Navarra. F* 2026_05_07 T* Día Internacional de la Cruz Roja y…
Nafarroako Berdintasunerako Institutuak (INAI/NABI) maiatzaren 14an eta 20an egingo du ‘Emakume Sortzaileak’ programaren hamaikagarren edizioa;…