Ertzaintzako agenteek hainbat nazionalitatetako 10 pertsona, ustez modu irregularrean, zeramatzan furgoneta bateko gidaria atxilotu dute Hernanin. Taldeko ustezko arduraduna ere ikertu dute, eta diru kopuru bat hartu zaio froga gisa.
Atzo, igandea, goizeko lehen orduan, Ertzaintzak ibilgailu bati buruzko abisu bat jaso zuen, gehiegizko bidaiariak zeramatzan furgoneta bati buruzkoa, pertsonen legez kanpoko trafiko-delitu bat egiten ari zitekeena.
Ertzainak Hernaniko zerbitzugune batera joan ziren, eta han ibilgailua aurkitu eta gidaria eta bidaiariak identifikatu zituzten; guztira, hamaika pertsona, ustez modu irregularrean Portugalera zihoazenak. Ertzaintza Atzerritarren Atalarekin harremanetan jarri zen, pertsona guztiak modu frogagarrian identifikatzeko.
Ustezko delituaren zantzuak egiaztatu ondoren, furgonetako gidaria, 25 urtekoa, atxilotu zuten, pertsonen legez kanpoko trafikoa egotzita. Horrez gain, bidaiarietako bat ikertu zuten taldearen ustezko arduradun gisa, eta diru-kopuru bat atzeman zioten, ustezko delitu-jardueraren froga gisa.
Gaur, astelehena, atxilotua Donostiako Guardiako Epaitegiaren esku utziko dute.
Ertzaintza ELSA UPV/EHU (The European Law Students’ Association) elkarteak antolatu dituen Kriminologiari buruzko III. Jardunaldietan…
26_0308 Bi gizon atxilotu dituzte Foruan Kortezubiko Udalaren lokal batean kablea lapurtzeagatik Bi gizon atxilotu…
Ertzainek 41 urteko gizon bat atxilotu dute Gipuzkoako hiriburuko etxe batean lapurreta egitea leporatuta. Atxilotuak…
Atzo eguerdian, Ertzaintzak bi gizon atxilotu zituen Bizkaiko hiriburuan, etxebizitza batean indarrez lapurreta egitea leporatuta.…
El fervor por el título copero de la Real Sociedad ha llegado hasta el mercado…
La red de carreteras de Gipuzkoa cuenta desde esta semana con un nuevo dispositivo de…