Gasteiz, atxilotu bat Ertzaintzak hainbat substantzia estupefaziente aurkitu ondoren pabiloi batean

Ertzaintzako agenteek 34 urteko gizon bat atxilotu dute bart osasun publikoaren aurkako delitu bat egotzita. Adurtza auzoko lokal batean egindako miaketa batean, ertzainek 3,5 kilogramo marihuana, 18 gramo kokaina, doitasun-balantzak eta dirua aurkitu dituzte, besteak beste.

Ertzaintza Gasteizko Adurtza auzoko gune bat zaintzen ari zen, substantzia estupefazienteen trafikoa egon zitekeelakoan. Zaintza horretan, polizia-patruila batek bi pertsona identifikatu zituen atzo arratsaldean. Ustez lonja batetik atera ziren bilgarri bat erosi ondoren, eta kokaina gisa konfiskatu zuten.

Jarraian, ertzainak atea irekita zuen pabiloian sartu ziren, eta, beste persona batzuen artean, bilgarri batean substantzia berdina zeukan gizon bat identifikatu zuten. Pertsona hori, ustez, pabiloian zegoenaren arduraduna zen, eta, bertan, ertzainek miaketa bat egin dute gauean, Ertzaintzaren Txakur Unitatearekin lankidetzan.

Miaketaren ondorioz, besteak beste, 3,65 kilogramo marihuana zituzten 11 poltsa eta ontzi bat, 17,77 gramo kokaina zuten bilgarriak, haxix kopuru txiki bat, doitasuneko bost baskula, plastikozko ebakinak eta ixteko alanbreak, erauzketa-sistema, argiztapena eta marihuana lehortzeko apalak zituen gune bat eta 600 euro baino gehiago aurkitu dira.

Hori dela eta, gizona atxilotu dute, osasun publikoaren aurkako ustezko delitu bat egotzita. Pertsona atxilotua epailearen esku utziko dute Gasteizko ertzain-etxean izapideak amaitutakoan.