Atzo eguerdian, Ertzaintzak giza hilketaren saiakera delitu baten ustezko egilea atxilotu zuen Galdakaon. Atxilotuak aizkora batekin eraso egin zien bi pertsonari, eta horietako bati ebakuntza egin behar izan zioten, zaurien larritasunagatik. Gainera, bere txakurra xaxatu zuen biktimei eraso egin ziezaien.
Errege gauean gertatu zen Bizkaiko Zaratamo herrian. Biktimen bertsioaren arabera, Ugao-Miraballesko kopa-lokal batean bezperan eztabaida izan ondoren, orain atxilotu duten gizonari azalpenak eskatzera joan ziren.
Pertsona horrek aizkora bat hartu eta bien kontra jo zuen, eta, gainera, bere txakurra xaxatu zuen haiei eraso egin ziezaien. Txakurraren hozkadek eta aizkorak eragindako lesioen ondorioz, bi zaurituek ospitalera joan behar izan zuten, batek zauri larriak baitzituen gorputzeko hainbat ataletan, eta ebakuntza egin behar izan zioten.
Gertatutakoaren berri izan zutenean, eta biktimek emandako datuetan oinarrituta, Ertzaintzako agenteek Galdakaoko polizia-egoitzan zitatu zuten ustezko erasotzailea, eta bertan atxilotu zuten giza hilketaren saiakera delitua leporatuta. Bestalde, bere etxean aizkora eta hasiera batean biktimak mehatxatzeko erabili zuen urpeko arrantzarako fusil bat konfiskatu zizkioten. Gainera, txakurra udal-txakurtegira eraman zuten, eginbideak amaitu bitartean. Antzeko egintzengatik aurrekariak dituen atxilotua atzo gauean utzi zuten epailearen eskuetan, eta guardiako epaileak aske utzi zuen biktimekiko kautelazko neurriak ezarrita.
El grupo de dantzas del barrio de Castaños surgió en el antiguo Lavadero público, posteriormente…
La Ertzaintza intervino la madrugada del domingo en el barrio donostiarra de Alza tras un…
Pese al bajo riesgo actual, Osakidetza ha confirmado que el sistema sanitario vasco está plenamente…
La Ertzaintza ha arrestado a un hombre y una mujer, e investiga a una tercera…
Un hombre de 56 años y procedencia europea ha sido arrestado en Irun tras protagonizar…
El defensa deustuarra Iñigo Lekue colgará las botas al finalizar la presente temporada tras desarrollar…