- Sariek balio publikoa sortzen duten eta herritarren parte-hartzea, pertsonen ahalduntzea eta gizarte-kohesioa bultzatzen dituzten proiektuak aitortzen dituzte
- Eusko Jaurlaritzak sei hilabetez aholkularitza eta 9.000 euro emango dizkie elkarteei beren proiektua garatzeko
Eusko Jaurlaritzako Gobernantza, Administrazio Digital eta Autogobernu Sailak antolatutako Elkarlan Sarien hamargarren edizioak dagoeneko baditu irabazleak. Sarien helburua da balio publikoa sortzen duten eta herritarren parte-hartzea, pertsonen ahalduntzea eta gizarte-kohesioa sustatzen dituzten proiektuak bultzatzea eta aitortzea.
Lau izan dira 10.edizioko proiektu irabazleak: Gaude Elkartearen adimen urritasuna duten pertsonentzako zentro okupazionala; Mutur Beltz Elkarte Agroekologikoa Artistikoaren iraunkortasuna sustatzen duen abangoardiako kultura-ekimena artzain-ondarea babesteko; Martin Etxea Elkartearen giza eskubideak defendatzen dituzten etorkinentzako harrera-etxea, eta Zehar Errefuxiatuekin elkartearen Gasteizen bakarrik dauden gazte migratzaileekin ikerketa-Ekintza-Parte-hartze prozesua.
- Gaude elkartea. «Sare berdeak ehunduz» proiektua lanerako zentro bat da, eta adimen-desgaitasuna duten 75 pertsonak lan egiten dute bertan. Hiri-ekosistema bat sortua dute: anfibioen urmael bat, fruta-arbolen gune bat, baratze ekologikoa, heskaiak, tximeleta-oasia, basalore-belardia… Desgaitasunak dituzten pertsonek eskolei laguntzen diete GJHetan oinarrituta dagoen jolas/ginkana batean. Horrela, desgaitasuna duten pertsonak ezagutza-eragile bihurtzen dira. Proiektu hau oso aberasgarria da, inguruko ikastetxeetan eta tailerraren errutinan ezinbesteko bihurtu baita. Izan ere, ingurumena errespetatzea eta desgaitasunari buruzko kontzientziazioa uztartu egiten ditu.
- Mutur Beltz. Abangoardiako kultura-ekimena, artzain-ondarea eta iraunkortasuna sustatzen dituena, arte garaikidea eta landa-praktikak «Ondo bizi arte egonaldia – Residencia artística del Buen Vivir» proiektuarekin konbinatuz. Mutur Beltz ikerketarekin eta berrikuntzarekin konprometitzen da, eta helburua da ingurumen-inpaktua murriztea, artilea modu jasangarrian erabiliz eta beste praktika agroekologiko batzuen bidez, eta artisten, artzainen eta tokiko komunitatearen arteko interakziorako espazio bat eskaintzea.
- Martin Etxea. Harrera-etxea da beren jatorrizko herrialdeetatik irten behar izan duten giza eskubideen defendatzaile etorkinentzat. Martin Etxeak aldi baterako aterpea eta etxea eskaintzen du, pertsona hauek Euskadin osasuntsu egoteko eta bizitza autonomo eta segurua hasteko, komunitatearen, boluntarioen, langile profesionalen eta eragile publiko eta pribatuen laguntzarekin eta partaidetzarekin. Etxeak, kudeaketa parte-hartzailekoa, bizikidetza dinamizatzen du eta komunitate-jarduerak antolatzen ditu.
- Zehar-Errefuxiatuekin. Gasteizen bakarrik dauden gazte migratzaileekin egiten den ikerketa-Ekintza-Partaidetza prozesua Sareak Josten eta EHUko Lan Harremanen eta Gizarte Lanaren Fakultateko irakasleen arteko lankidetza komunitarioko esperientzia da. Kultura arteko gizartea eta bizikidetza ona eraikitzeko konpromisoa du.
Sei hilabete proiektua garatzeko
Elkarte bakoitzak sei hilabeteko epea izango du bere proiektua garatzeko eta Eusko Jaurlaritzaren aholkularitza eta 9.000 euroko diru-zuzkidura jasoko dute.
Aurten egingo sari-emate ekitaldian, elkarteek garatu dituzten proiektuak aurkeztuko dituzte eta saria jasoko dute.