Gizon bat atxilotu dute Basaurin, herritar bati arma batekin mehatxu egiteagatik eta agintaritzaren agenteen aurka atentatua egiteagatik

Ertzaintzako agenteek 38 urteko gizon bat atxilotu zuten atzo arratsaldean Basaurin, pertsona bati pistola batekin mehatxu egiteagatik eta gertakarian parte hartu zuten agenteen aurka atentatua egiteagatik.

Atzo arratsaldean gertatu zen, biktima eta orain atxilotua errepidetik zihoazen bitartean, bakoitza bere ibilgailuan. Atxilotuaren gidaritza aldrebes eta arriskutsuak atzetik zihoan gidaria argiekin ufadak botatzera eraman zuen. Hori dela eta, lehenengoak pistola bat atera zuen leihotik, airera tiro eginez, eta, ondoren, biktimaren aurka apuntatu zuen modu mehatxagarrian.

Gertaera horren ondoren, bistatik galdu ziren Basaurira iritsi arte. Han, biak beraien ibilgailuetatik jaitsi ondoren, berriro topo egin zuten, eta arma zeramanak berriro erabili zuen, mehatxu gehiago eginez. Hori ikusita, biktimak SOS DEIAK 112 telefono-zenbakira deitu zuen, eta, handik gutxira, patruila bat bertaratu zen eta ustezko egilea identifikatu zuen. Pertsona hori agenteen aurka agertu zen irainen eta heriotza-mehatxuen bidez, eta, menderatu ondoren, atxilotu egin zuten, armarekin mehatxu larriak egiteagatik eta herritarra iraintzeagatik, bai eta agintaritzako agenteen aurkako mehatxu eta atentatuengatik ere.

Ertzainek ikusi zutenez atxilotuak alkohola kontsumitzearekin bateragarriak ziren sintomak zituen eta minutu batzuk lehenago ibilgailua gidatzen ari zenez, udaltzainek alkoholemia-proba egin zioten, eta baimendutako tasa baino askoz ere handiagoa eman zueen. Hori dela eta, bide-segurtasunaren aurkako delituagatik eginbideak ireki zizkioten.