25_0086 Bi atxilotu Bilboko hiru etxebizitzatan lapurreta egin nahian zebiltzala
Servicio de prensa
2025-02-14
Ertzainek bi gizon atxilotu zituzten atzo, Bilboko Zorrotza auzoko hiru etxebizitzatan lapurreta egiten saiatzea leporatuta. Patruila batek ikusi zituen etxebizitzetako bateko leiho batetik beste bateko balkoira jaisten eta barrura sartzen. Beren gauzen artean labana bat eta giltza faltsu bat zeramatzaten.
Atzo arratsaldeko lau eta erdiak aldera gertatu zen Bilboko Zorrotza auzoko eraikin batean. Emakume batek Ertzaintzari jakitera eman zion bi pertsona bere etxeko portalean zokomiran zebiltzala eta bere etxeko eta aldameneko beste bateko leihoa behartzen saiatu zirela. Emakumea ikustean, alde egin zuten eta eraikineko beste portal batera joan ziren.
Eraikinera hurbildu ziren Ertzaintzako baliabideak ikuskapena egiten ari zirenean, susmagarriak hirugarren solairuko leiho batetik etxebizitza bateko balkoira jaisten eta barrura sartzen ikusi zituzten.
Agenteek susmagarriak zeuden etxebizitza aurkitzea lortu zuten eta biak atxilotu zituzten. Beren gauzen artean labana bat eta giltza faltsu bat aurkitu zizkieten.
Atxilotuak, 25 eta 26 urtekoak, Ertzaintzaren egoitzara eraman zituzten zegozkion polizia-eginbideak betetzera, eta, horiek amaitu ondoren, agintari judizialaren eskuetan jarri zituzten.
25_0474 Ertzaintzak gizon bat atxilotu du Errenterian, Torre Pachecon, Murtzian, izandako istiluengatik Ertzaintzak gizon bat…
25_0473 Hiru atxilotu Hernanin pertsonen legez kanpoko trafikoagatik Hiru atxilotu Hernanin pertsonen legez kanpoko trafikoagatik…
Azken egunetan, Hondarribiko hainbat puntutan aparkatuta zeuden ibilgailuetan kalteak eragitearen harira, Hondarribiko Udaltzaingoak zenbait adin…
Hirugarren urtez jarraian, Berdintasun departamentuak Zarauzko Emakume* Sortzaileen Azoka antolatu du, uztailaren 19an, larunbata, goizeko…
Abuztuan ospatuko da 37. Udako Musikaldia Zarautzen, eta beste behin, zarauztarrek zein bisitariek musika klasikoaz…
Maiatzaren 13an abiatu zuen Udalak “Zarautzen Bizi” prozesua eta ekainaren 17ra bitartean egin diren 5…