Ertzaintzak bi gizon atxilotu ditu bart Bilbon, osasun publikoaren aurkako delitu bat egotzita, barruko arropetan ezkutatutako hainbat substantzia atzeman dizkietelako. Atxilotuak ibilgailu batean abiadura handian zihoazela atzeman zituzten.
Gaur, larunbata, 00:15ean, Ertzaintzako agenteek ibilgailu bat geldiarazi dute Bilboko San Frantzisko auzoan, abiadura handian eta posizioko argiekin.
Agenteek bost bidaiariak identifikatu dituzte, eta autoaren barrutik marihuana usain handia ateratzen zela egiaztatu dute. Hori dela eta, ibilgailua eta bidaiariak miatu dituzte.
Miaketan, bidaiarietako bati zazpi poltsatxo aurkitu dizkiote barruko arropan, hauts zuriko substantziarekin, eta hiru pilula jaka baten poltsikoan. Beste bidaiari bati hauts zuridun bi poltsatxo eta hamabi pilula harrapatu dizkiote barruko arropan.
27 eta 30 urteko bi gizon horiek osasun publikoaren aurkako delitu bana egotzita atxilotu egin dituzte, ustez estupefazienteak diren substantziak atzeman dizkietelako.
Atxilotuak ertzain-etxera eraman dituzte, beharrezko eginbideei hasiera emateko, eta, horiek amaitutakoan, epailearen esku utziko dituzte.
25_0474 Ertzaintzak gizon bat atxilotu du Errenterian, Torre Pachecon, Murtzian, izandako istiluengatik Ertzaintzak gizon bat…
25_0473 Hiru atxilotu Hernanin pertsonen legez kanpoko trafikoagatik Hiru atxilotu Hernanin pertsonen legez kanpoko trafikoagatik…
Azken egunetan, Hondarribiko hainbat puntutan aparkatuta zeuden ibilgailuetan kalteak eragitearen harira, Hondarribiko Udaltzaingoak zenbait adin…
Hirugarren urtez jarraian, Berdintasun departamentuak Zarauzko Emakume* Sortzaileen Azoka antolatu du, uztailaren 19an, larunbata, goizeko…
Abuztuan ospatuko da 37. Udako Musikaldia Zarautzen, eta beste behin, zarauztarrek zein bisitariek musika klasikoaz…
Maiatzaren 13an abiatu zuen Udalak “Zarautzen Bizi” prozesua eta ekainaren 17ra bitartean egin diren 5…