ZainLab Hub programak arreta berezia jartzen du sektore honetan lan egiten duten profesionalen kualifikazioan, eta aldi berean enpleguak duintzeko eta lan baldintzak hobetzeko lan egiten du
Ekonomia, Lan eta Enplegu Sailak profesionalizazioaren, talentua erakartzearen eta eskaintza eta eskaria zainketen ekonomian lotzearen aldeko konpromisoa berresten du ZainLab Hub-en bitartez. Tresna berritzailea da hau, zainketen ekonomia hobetzen laguntzeko helburua duena.
Hala jakinarazi du gaur goizean Mikel Torres lehendakariorde eta Ekonomia, Lan eta Enplegu sailburuak, «zainketen eta bizitza-luzeraren ekonomian profil desberdineko profesionalen eskuragarritasuna ahalbidetzeko» programaren aurkezpenean, «sektore honen premia eta eskaerei erantzuteko gaitasun egokiekin».
Era berean, Torresek aurreratu du ZainLab Hub-ek “etorkizun okupazionala eta konpetentzien etorkizuna aztertzen duela, enplegurako eta prestakuntzarako ezagutza, informazioa eta datuak identifikatzeko, sortzeko eta transferitzeko helburuarekin, arreta berezia jarriz sektore honetan lan egiten duten emakumeen kualifikazioan, eta aldi berean, enpleguak duintzearen eta lan-baldintzak hobetzearen alde lan egiten du”.
Horretarako, Torres lehendakariordeak iragarri du Eusko Jaurlaritzak bat egin duela Pact for Skills eta Iraupen Luzeko Zainketen Eskala Handiko Elkartearekin, ZainLab gaitasunen aldeko Europako estrategiarekin lerrokatzeko eta, horrela, Europako sareetan parte hartzea bultzatzeko.
Enplegu berriak
ZainLab-en garatutako prospektiba-sistemaren esparruan egindako estimazioek adierazten dutenez, hurrengo hamarkadarako 23.000 enplegu inguru izango dira zuzeneko zaintzako okupazioetan. Horietatik 10.000 inguru ordezkapen-beharrengatik izango dira, eta 6.000 behar berriengatik.
Torres lehendakariordeak ziurtatu duenez, «errealitate kuantitatibo nabarmen baten aurrean gaude: gero eta zaharragoak gara eta gero eta gehiago bizi gara». Euskadin, 65 urte bete dituzten milioi erdi pertsona baino gehiago daude, horietatik laurden bat bakarrik bizi dira, 50.000 baino gehiago 80 urtetik gora dituzte eta 20.000 inguru bakarrik bizi dira egoitzetan.
Testuinguru honetan, Torresek premia horiei erantzungo dieten profil profesional berriak identifikatzeko eskatu du, eta orain arte SSI kooperatiba-taldearen eskutik eta foru-aldundiekin, udalekin eta hirugarren sektoreko erakundeekin lankidetzan egindako lanari balioa eman dio.
Jarduera-programa zabal bat antolatu da maiatzaren 10ean ‘Bidezko Merkataritzako produktu bat dago eguneko une bakoitzerako‘…
Industriako eta Enpresen Trantsizio Ekologiko eta Digitalerako kontseilaria den Mikel Irujo gaur arratsaldean aurkeztu ditu…
Nafarroako bederatzi ikastetxetako 700 ikasle inguruk GR-225 mendiko bi etapa zeharkatuko dituzte maiatzaren 8an eta…
Garbiñe Basterra Nafarroako Gobernuko Energiaren, I+G+b Enpresarialaren eta Ekintzailetzaren zuzendari nagusia eta Janis Rey ENGIEko…
Guztira 16.758 familia-unitatek jaso dute Errenta Bermatua 2024an, Nafarroako Gobernuak gaur argitaratu duen balantzearen arabera.…
Lurralde Kohesiorako Departamentuak, Toki Administrazioaren eta Despopulazioaren Zuzendaritza Nagusiaren bitartez, lau lankidetza-hitzarmen sinatuko ditu Gesalatz…