Gobernuak inbertsio funts publiko-pribatu bat sortuko duela iragarri du, Nafarroako industriaren inbertsio estrategiko berriei laguntzeko

Nafarroako Lehendakari Maria Chivite Navascuesek gaur Industria Mahaiaren aurrean iragarri duenez, Gobernua aurrera doa kapital publikoz eta pribatuz osatutako inbertsio-funts bat sortzen. Martxan jartzeko, zenbait arau-aldaketa egin behar dira, eta Gobernua aldaketa horiek prestatzen ari da laster onartzeko. Aldi berean, inbertsio-funts pribatuekin ere hitz egiten ari da, horiek sartzeko. Horrez gain, bigarren fase batean, txikizkako inbertitzaile pribatuek ere parte hartu ahal izatea planteatzen da.