Hondakinak prebenitzeko eta kontsumo arduratsuagoa eta jasangarriagoa sustatzeko ekimen erreferente gisa finkatu da
Donostiatruk-ek, hilero egiten den bigarren eskuko azoka txikiak, 17. urteurrena ospatzen du aurten. 2008an jarri zen martxan. Urte hauetan guztietan, ekitaldi hau hondakinak prebenitzeko eta kontsumo arduratsuagoa eta jasangarriagoa sustatzeko ekimen erreferente gisa finkatu da.
2024ko ekitaldian, emaitzak oso positiboak izan ziren Donostiatrukerako. Hala, berrerabilpenaren eta kontsumo arduratsuaren erreferentzia-esparru gisa finkatu da gure hirian. Tabakaleraren erdigunean duen kokapen berria funtsezkoa izan da hazteko, azoka txikia jende gehiagorengana hurbildu baita eta haren ikusgarritasuna eta irisgarritasuna handitu baitira.
2024an, Donostiatruk-ek 301 partikular eta 18 elkarte bildu ditu salmenta-postuetan, eta, batez beste, 600 artikulu saldu ditu edizio bakoitzean. Zita bakoitzak, gutxi gorabehera, 1.200 bisitari, 420 erosle eta 110 partaidetza-eskaera izan ditu, eta horrek agerian uzten du herritarren artean interes handia sortzen duela. Objektuak berrerabiltzeari esker, 31 tona CO2 tona gutxiago isuri ditugu, klima-aldaketaren aurkako borrokan aktiboki lagunduz.
2025ean, bertaratzeari eta parte-hartzeari buruzko datuei eutsi zaie, eta horrek eredua finkatzen ari dela berresten du. Gainera, lantegietako parte-hartzeak eta ikastetxeek erakutsitako interesak gora egin dute, eta horrek indartu egiten du Donostiatruk-ek ekonomia zirkularraren inguruko hezkuntza eta sentsibilizazio tresna gisa duen eginkizuna.
Hurrengo azoka txikia apirilaren 12an izango da, larunbatean, 10:00etatik 14:00etara, Tabakaleraren barruko plazan, eta dozenaka pertsona bilduko dira jada erabiltzen ez dituzten objektuei bigarren bizialdi bat emateko prest. DONOSTIATRUKen eros eta sal daitezkeen produktu gehienak etxeko produktu arruntak dira: arropa, osagarriak, jostailuak, liburuak, diskoak, dekorazio-objektuak eta etxeko tresnak.
Jardunaldian zehar, ingurumenarekiko sentsibilizazio-lantegi eta ekintzak ere egingo dira. Horietan, parte-hartzaileek objektu berrerabilgarriak egingo dituzte, erabilitako materialak baliatuz, hala nola kartoiak edo oihalak. Jarduera-mota horiei −hezigarritzat jotzeaz gain− jendeak balio handia ematen die, eta parte-hartzea gero eta handiagoa da. Are familia osoek parte hartzen dute.
Pizgarri moduan, apirilaren 12ko azoka txikian erosketaren bat egiten duten pertsonen artean, bi pertsonentzako bazkari edo afari bat zozkatuko da. Orburu jatetxe begetarianoan izango da, Antigua auzoan.
Etxetik erosi edo saldu nahi dutenentzat, Donostiatruk-ek badu online bertsioa ere. Bertan, iragarkiak argitaratu daitezke, bigarren eskuko objektuei bigarren bizialdi bat emateko, bai eta landareak dohaintzan emateko ere.
2025eko Donostiatruk azoka txikiak:
Un accidente de tráfico ocurrido el pasado sábado en la GI-627 a su paso por…
Entre los días 10 y 14 de noviembre, la Ertzaintza llevará a cabo una campaña…
La ciudad argentina de Tandil acogió la nueva edición de la Semana Nacional Vasca, el…
Los sectores financiero, turismo, medio urbano e industria son los más vulnerables. El VI Informe…
El Plan marca el rumbo de la política lingüística del Ayuntamiento de Bilbao a 10…
Probak Arabako herritar guztiei eragingo die, eta, beraz, lurralde horretako udal guztiei jakinarazi zaie. Araban…