Justizia eta Giza Eskubideen sailburuak bonbardaketaren 88. urteurrena ospatzeko ekitaldietan parte hartu du Bizkaiko udalerrian
María Jesús San José Justizia eta Giza Eskubideen sailburuak gaur Gernikan adierazi duenez, “gizarte demokratiko sendo, konprometitu eta militante bat eraikitzeko modurik onena berriro gertatzea nahi ez duguna gogoraraztea da”. Espainiako gerra zibilean hiria bonbardatu zuteneko 88. urteurrena ospatzeko ekitaldietan, San Josék iraganari beldurrik gabe begiratzen dion memoria kritikoa eta gogoetatsua eraikitzeko eskatu du.
Ibone Bengoetxea lehen lehendakariordearekin batera, San Josék parte hartu du Nazio Batuen Zibilizazioen Aliantzak (Unaoc) bultzatutako “Bakearen aldeko oihu bat, gerren amaiera eta nazioarteko legezkotasunaren errespetua” ekitaldian. Bertan parte hartu dute, halaber, Nazio Batuen Zibilizazioen arteko Aliantzako (UNAOC) goi-ordezkari Miguel Ángel Moratinosek, Religions for Peace-ko idazkari nagusi Francis Kuriak edo 2004-2008 aldian Espainiako gobernuko presidente izandako José Luis Rodríguez Zapaterok, nazioarteko beste pertsona ospetsu askoren artean.
Bere hitzaldian, Justizia eta Giza Eskubideen sailburuak 1937an Gernikako biztanleek jasandako izugarrikeria aipatu du, “gerraren fronteak Gipuzkoa, Bizkaia eta Arabako iparraldea Bilborako bidean zeharkatu zituen hilabete ilunetan euskal herritarrek jasan zuten bonbardaketa ugarietako bat”. Eibarrek, Durangok, Irunek, Otxandiok, Legutiok… 120 euskal herrik baino gehiagok jasan zuten “gerra osoaren basakeria bereizi gabea, gudu-zelaiak atzean uzten zituen zentzugabekeria biztanleria zibilarengan zuzenean erasateko. Espainiako beste fronte batzuetan gertatzen ari zen bezala, faxismoak bere metodoak entseatzen zituen, munduaren ikuskera estu eta totalitarioarekin bat ez zetozenak fisikoki desagerrarazteko”.
Nabarmendu duenez, “desberdina dena fisikoki ezabatzea, heriotza, zigorra, haiek bezala pentsatzen ez zutenen errepresioa, eta armen indarrez inposatzea beren proiektu totalitario, faxista, kontzienteki eraikia milaka sozialista, komunista, anarkista eta nazionalistaren gorpuen gainean”.
Iraganari begiratu eta ahotsa altxatu
Horregatik, “gorroto-mezuak berriro entzuten ari garen honetan eta gure demokrazien zutabe delikatuak higatu nahi dituzten aukera politikoak ugaritzen ari diren honetan”, gure iraganari begiratzeko eta “ahotsa altxatzeko” eskatu du. Gogoratu behar dugu, San Josék berretsi duenez, “bide hori jorratu dugula, badakigula nora garamatzaten proiektu totalitarioek, desberdinarekiko gorroto irrazionalak. Oinazera, sufrimendura, haustura sozialera garamatza. Itzuli behar ez dugun gau luzera”.
Hain leku sinbolikoan, Justizia eta Giza Eskubideen sailburuak gogora ekarri nahi izan ditu “gerra hartan bonbardatutako milaka herri, euskaldun eta espainiar”, eta “aurrez pentsatutako basakeria haren biktima ziren milaka pertsona zibilak” ohoratu. Izan ere, hori da “gizarte demokratiko sendo, konprometitu eta militante bat eraikitzeko modurik onena: berriro gertatzea nahi ez duguna gogoratuz. Iraganari beldurrik gabe, konplexurik gabe begiratzen dion memoria kritikoa, gogoetatsua eraikiz. Etorkizuneko herritar konprometituak eraikitzeko gai den memoria, alegia”.
Ertzaintzako agenteek 54 eta 36 urteko bi gizon atxilotu dituzte Elgoibarren, ebasketa-delitu jarraitua leporatuta. Antza…
Agentes de la Ertzaintza han detenido esta pasada noche en la capital guipuzcoana a un…
Iritzi dio enpresa “proiektu partekatua” izan daitekeela, pertsonak, berrikuntza eta lurralde sustraitzea ardatz dituena, “lehiakortasuna…
Imanol Pradalesek Frantzia eta Espainia interpelatzen ditu, EBren barruan euskarari dagokion estatusa aitor diezaioten Etxepare…
Basque Segurtasun Foroak bederatzigarren bilera egin du gaur arratsaldean Oarsoaldean. Errenteria, Pasaia, Lezo eta Oiartzungo…
Europako bi hiriek parte hartu dute nazioarteko etxebizitza-politiken mahai-inguruan, Maider Arosteguy Biarritzeko alkatearekin eta Pablo…