25_0305 Euskadiko Larrialdi Zerbitzuek Udalatx mendian istripua izan zuen emakume bat erreskatatu dute
Euskadiko Larrialdi Zerbitzuek Udalatx mendian istripua izan zuen emakume bat erreskatatu dute
Servicio de prensa
2025-05-03
Mendi Taldeko agenteek eta Ertzaintzaren helikoptero batek biktima erreskatatu dute, Udalatx menditik jaisten ari zela irrist egin eta sorbaldan min hartu ostean.
Istripua gaur arratsaldeko ordu bata laurden gutxitan gertatu da, Udalatx mendiaren inguruan, Arrasateko udalerrian. Pertsona batek SOS Deiak 112 larrialdi-zerbitzura deitu du, esanez bikotekideak, emakume batek, istripua izan duela eta sorbaldan min hartu duela.
Ezbeharraren lekura iristeko zailtasunak zirela eta, Ertzaintzako Zaintza eta Erreskate Unitateko Mendi Taldea eta helikoptero bat, suhiltzaileak eta osasun-langileak mobilizatu dira.
Handik gutxira, aireontziak erreskatatu du biktima, eta anbulantzian eraman du Debagoieneko Ospitalera.