25_0319 Gizon bat atxilotu dute Bilbon gazte bat arma zuri batekin zauritzeagatik
Servicio de prensa
2025-05-09
Ertzaintzako agenteek 26 urteko gizon bat atxilotu dute gaur, ostirala, arratsaldean Bilbon, Somera kalean beste gazte bati arma zuri batekin eraso egitea egotzita. Bilktima ospitalera eraman behar izan dute berehala.
Arratsaldeko laurak eta laurden inguruan, Ertzaintzari jakinarazi diote gazte bat zaurituta zegoela Bilboko Somera kalean, dirudienez, arma zuriz toraxaren parean. Inguruan zaintza-lanak egiten ari zen patruila bat berehala bertaratu da. Biktima bide publikoan etzanda aurkitu dute, eta hasierako laguntza eman diote. Lesioak zenbaterainokoak ziren ikusita, zauritua berehala eraman behar izan dute Basurtuko ospitalera.
Gertatutakoa argitzeko abian jarritako ikerketari esker, ustezko erasotzailea identifikatu ahal izan dute. Handik gutxira aurkitu dute, inguruko etxebizitza batean, eta beharrezko egiaztapenak egin ondoren atxilotu dute, homizidio saiakera delitu bat egotzita. Era berean, susmagarriak ustez erabilitako labana kalean botata aurkitu dute, gertakariaren lekutik gertu.
Beharrezko eginbideak amaitu ondoren, atxilotua epailearen esku utziko dute.
Azken hilabeteotan, Ertzaintzak, Getxoko eta Leioako udaltzaingoen laguntzaz, operatibo bat gauzatu du Getxon droga-trafikoan ziharduen…
Ertzainek 23 urteko gizon bat atxilotu dute gaur goizaldean Donostian, iruzur-delitu bat eta ebasketa-delitu bat…
El Ayuntamiento de Bilbao reúne a los nombres más actuales del bertsolarismo en Santutxu los…
El sindicato ELA ha convocado una jornada de huelga para el 21 de mayo que…
El Instituto Vasco de Consumo, Kontsumobide, ha llevado a cabo tres campañas de inspección que…
La Guardia Civil de Bizkaia ha intervenido un total de 54 piezas de marfil que…