Ertzainek 21 urteko gizon bat atxilotu zuten atzo, astelehena, gauean, Donostian, indarra erabiliz lapurreta egitea leporatuta, etxebizitza batean leiho batetik sartzen in fraganti harrapatu ondoren.
Atzo, astelehena, gaueko hamarrak aldera, polizia agertzeko eskatu zuten Gipuzkoako hiriburuko etxebizitza batera, etxeko bizilagunak abisua eman ondoren, bere leihoetako bateko erlaitzean pertsona bat aurkitu baitzuen ustez leihotik etxean sartzeko asmotan.
Inguruan zaintza-lanetan ari zen herritarren babeserako patruila bat berehala agertu zen adierazitako eraikinera, eta gaztea fatxadari helduta aurkitu zuen lehenengo solairuaren parean. Agenteek susmagarria erlaitzetik segurtasunez ateratzeko esku hartu behar izan zuten, eta, jarraian, identifikatu eta etxebizitzan indarra erabiliz lapurreta egiteagatik atxilotu zuten, beharrezko egiaztapenak egin ondoren.
Atxilotua, 21 urtekoa, polizia-egoitzara eraman dute gero, zegozkion izapideak egin eta, horiek amaitzean, agintari judizialaren eskuetan jartzeko.