25_0333 Santurtziko saltoki batean indarra erabiliz lapurreta egin zuen gizona atxilotu dute
Servicio de prensa
2025-05-15
Ertzaintzak, Santurtziko Udaltzaingoarekin lankidetzan, joan den hilean herriko merkataritza-establezimendu batean indarra erabiliz egindako lapurreta argitzeko abian jarritako ikerketaren ondorioz, atzo, asteazkena, atxilotu zuten ustezko lapurra, polizia-aurrekari ugari dituen 36 urteko gizona.
Joan den apirilaren 27an, Ertzaintzak jakin zuen goizaldean lapurreta egin zutela Santurtziko saltoki batean. Gertatutakoaren berri izan zuenean bertaratu zen polizia-dotazioak egiaztatu ahal izan zuenez, saltokiaren sarrerako atea behartuta zegoen, eta agenteek lokal barrua miatu zuten.
Gertaera horren inguruan Udaltzaingoarekin lankidetzan egindako ikerketaren ondorioz identifikatu ahal izan zuten lapurretaren ustezko egilea, jabetzaren aurkako delituekin lotutako aurrekari ugari dituena. Beharrezko frogaketak egin ondoren, atzo goizeko lehenengo orduan aurkitu zuten susmagarria Abanto Zierbenan, eta indarra erabiliz lapurreta egitea leporatuta atxilotu zuten.
Atxilotua polizia-egoitzara eraman zuten zegozkion izapideak egitera, horiek amaitzean agintari judizialaren eskuetan jartzeko.
Ertzainek, Ermuako Udaltzaingoarekin lankidetzan, 53 eta 39 urteko bi gizon atxilotu zituzten atzo, asteazkena, herrian…
Ertzaintzak 35 urteko gazte bat atxilotu du goizaldean Barakaldon, indarrez lapurreta egitea leporatuta, lapurreta egiteko…
Ertzainek bi gizon atxilotu dituzte gaur, osteguna, goizaldean Irunen indarkeria erabiliz lapurreta egitea leporatuta, kalean…
El Departamento de Vivienda y Agenda Urbana del Gobierno Vasco ha declarado oficialmente la capital…
Euskal Trenbide Sarea (ETS) ha iniciado los trabajos de construcción del proyecto conocido como ‘Corta…
Un hombre ha sido detenido por la Ertzaintza en Getxo por tráfico de drogas. El…