Ertzaintzako agenteek 21 urteko gazte bat atxilotu zuten atzo, ostirala, goizean goiz Donostian, enpresa batean lapurtzen saiatzeagatik. Enpresa horretara perimetroko hesia igotzen sartu zen.
Atzo, goizeko zortziak baino lehentxeago, Gipuzkoako hiriburuko Altza auzoko enpresa batera joateko eskatu zioten Ertzaintzari; izan ere, adierazi zutenez, gazte bat zuten han atxikita, eta langile batek lapurtzen harrapatu zuen. Inguruan zaintza-lanak egiten ari zen herritarren babeserako patruila bat berehala hurbildu zen lekura, eta susmagarria identifikatu zuen.
Egiaztatu ahal izan zutenez, nabe baten barruan aurkitu zuten, eta bertako zenbait ibilgailu aparkatuta zeuden; horietako hiruk bortxatze-zantzu nabarmenak zituzten. Antza denez, perimetroko hesia eskalatuz lortu zuen enpresaren esparrura sartzea.
Egoera ikusita, beharrezko egiaztapenak egin ondoren, atxilotu egin zuten indarrezko lapurreta-delitu batengatik. Jarraian, atxilotua ertzain-etxera eraman zuten beharrezko izapideak egiteko eta, ondoren, epailearen esku jartzeko.