25_0341 Irun, pertsona bat atxilotu dute Ertzaintzaren patruila bati droga eskaintzeagatik
Irun, pertsona bat atxilotu dute Ertzaintzaren patruila bati droga eskaintzeagatik
Servicio de prensa
2025-05-18
Ertzaintzako agenteek 36 urteko gizon bat atxilotu dute gaur, igandea, goizaldean Irunen, droga-trafikoko delitu bat egotzita, uniformerik gabeko patruila bati kokaina saltzen saiatzeagatik.
Goizaldeko laurak baino lehentxeago, gizon bat, kaleko jantzian lanean ari zen Ertzaintzaren patruila batera hurbildu da. Ertzain hori kaleko jantzian ari zen lanean, Udaltzaingoarekin batera, Irungo Alde Zaharrean, gaueko aisialdirako Planaren barruan. Jarraian, bi gramo kokaina saltzea proposatu die, galtza barrutik plastikozko bilgarri bat atereaz. Bilgarri horrek kolore zuriko hautsezko substantzia bat zuen. Ertzainak ertzain gisa identifikatu dira, eta inplikatua droga hori lurrera botatzen saiatu da.
Beharrezko egiaztapenak egin eta identifikatu ondoren, Irungo ertzain-etxera eraman dute, droga-trafikoko ustezko delitu batengatik atxilotuta. Atxilotua epailearen aurrean aurkeztuko dute, dagozkion polizia-eginbideak amaitzen direnean.