25_0358 Gizon bat atxilotu dute Errenteriako bizikleta-denda batean lapurtzeagatik
Gizon bat atxilotu dute Errenteriako bizikleta-denda batean lapurtzeagatik
Servicio de prensa
2025-05-25
Ertzaintzako agenteek gizon bat atxilotu dute gaur goizaldeko lehen orduan, Errenteriako bizikleta-denda batean lapurtu ondoren, erakusleihoa hautsi eta barrura sartu ostean. Handik gutxira, patruila batek ustezko egilea aurkitu eta harrapakina berreskuratu du, egilea atzilotuz.
Poliziak berehala atxilotu du susmagarria, goizaldeko bost eta erdietan Errenteriako bizikleta-denda batean lapurreta egin eta gutxira.
Dei batek saltokian lapurreta bat egon zitekeela ohartarazi du, eta patruila bat bertaratu da. Iristean, gizon bat ikusi dute dendatik ateratzen, kutxa bat zeramala, eta zuhaixka batzuen atzean ezkutatzen.
Poliziak susmagarria identifikatu du, eskuetan eta arroparen zati batean odol-arrastoak zituelako. Ezkutatutako kutxa establezimenduko kutxa erregistratzailea zela eta erakusleihoa hautsita zegoela eta odol arrastoak zituela ikusita, agenteek atxilotu egin dute lapurreta-delitu bat egotzita.
Atxilotua, 20 urtekoa eta polizia-aurrekariak dituena, ertzain-etxera eraman dute. Polizia-eginbideak amaitutakoan, epailearen esku jarriko dute datozen orduetan.