25_0373 Tolosa, bi atxilotu hiri-edukiontzi batzuk erretzen harrapatu ondoren
Tolosa, bi atxilotu hiri-edukiontzi batzuk erretzen harrapatu ondoren
Prentsa Zerbitzua
2025-05-31
Ertzainek 29 eta 26 urteko bi gizon atxilotu dituzte gaur goizaldean Tolosan, kalte-delitua leporatuta, lau hiri-edukiontzi erre eta aparkatuta zegoen ibilgailu bat kaltetu dituen sute bat eragiteagatik.
Gaur goizaldeko 02:15 aldera, berriemaile batek Ertzaintzari jakinarazi dio Tolosako Berazubi auzoko kale batean edukiontzi batzuk sutan zeudela.
Inguruan zegoen herritarren babeseko patruila batek ikusi du edukiontzi bat sutan zegoela eta gizon batek zerbait bota duela bigarren edukiontzi batera, eta hori ere erretzen hasi dela. Aldi berean, bigarren gazte batek beste edukiontzi bati bultza egin dio lehenengo biak zeuden lekura, hirugarren horrek ere su har zezan.
Polizia-baliabideak su-itzalgailu bat erabili du suhiltzaileak iritsi bitartean. Bertaratu diren agenteek sua argi eta garbi eragin duten bi pertsonak identifikatu dituzte. Hori dela eta, kalte-delitua leporatuta atxilotu dituzte. Guztira lau edukiontzi erre dira eta inguruan aparkatuta zegoen auto batek kalteak izan ditu.
Bi atxilotuak polizia-egoitzara eraman dituzte, eta Tolosako Guardiako Epaitegiaren eskuetan jarri zain daude.