Parke horiek Santa Barbaran, San Roken, Otxokin, Mons pasealekuan eta Atotxaerrekan daude
Tokiko Gobernu Batzordeak Donostiako hainbat haur-parke ordezteko eta berritzeko kontratazioaren espedientea onartu du, 16 asteko egikaritze-epearekin eta 233.886 euroko aurrekontuarekin.
Kontratuaren xedeak honako hauek biltzen ditu:
-
- • Dagoen segurtasun-zoladura eta jokoak kentzea (udal-biltegietara eramatea edo hondakinak egoeraren arabera kudeatzea, Atotxaerrekan izan ezik.
- • Joko berrien hornidura, garraioa eta muntaia, udal ereduko jokoen kartela eta espezialistek egindako segurtasun-zoladura, bai eta lanak egiteko behar den edozein kontzeptu ere (hondakinen kudeaketa, segurtasuna eta osasuna eta antzeko beste lan batzuk).
Hauek dira berritu beharreko parkeak:
-
- • 1. lotea: Santa Barbara 7-9 (63.363 euro)
-
- • 2. lotea: San Roke 10-14 (34.003 euro)
-
- • 3. lotea: Otxoki (60.483 euro)
-
- • 4. lotea: Mons pasealekua 110 (50.024 euro)
- • 5. lotea: Atotxaerreka (handitzea) (26.013 euro)