Amaia Arregi Gipuzkoako Foru Aldundiko Ekonomia Sustapeneko zuzendariak egin die harrera bileran parte hartu duten Indeuskideei.
Gipuzkoako Foru Aldundiaren egoitza nagusian batzartu dira gaur Indeus, Industriaren Euskal Plataformako kide diren enpresa, elkarte eta erakundeak, urteko hirugarren topaketan. Amaia Arregi Foru Aldundiko Ekonomia Sustapeneko zuzendariak eman die ongietorria.
Bileraren lehen atalean, Indeuskide berrienak agurtu eta aurkezteari ekin zaio, 2025. urte honetan plataformarekin bat egin duten Euskorpora eta Asle.
EUSKORPORA euskararen corpus digitala sortzen duen irabazi-asmorik gabeko elkartea da, euskararen presentzia digitala sustatzea eta ziurtatzea helburu duena. Leire Barañano, erakundearen zuzendari nagusiak egin du Euskorporaren aurkezpena.
ASLE Lan Sozietateak eta langileek kapitalean partaidetutako enpresak ordezkatzen dituen Euskadiko enpresa elkartea da, lan-sozietatearen enpresa-eredua sustatzen duena, kapital soziala batez ere langileena den enpresa-eredua. Libe Bastidak egin du elkartearen aurkezpena.
Indeuskide berrien aurkezpenak bukatuta ENPATIKONOMIA jardunaldiari ere eskaini zaio tarte bat. Oarsoaldea Garapen Agentziak antolatutzen duen jardunaldia da eta datorren urteko martxoan izango da hurrengoa. Eredu ekonomiko gizatiarrago, bidezkoago eta iraunkorragorako urrats bat bezala aurkezten da topaketa hau, non enpresa-arrakasta pertsonen ongizatearekin eta planetarekin harmoniatsu bateratzen den.
Bileraren bigarren atalak bi gai nagusiren hausnarketa izan du ardatz nagusi:
INDEUS Industriaren Euskal Plataforma Spri-Enpresen Garapenerako Agentziak, Energiaren Euskal Erakundeak, Hizkuntza Politikako Sailburuordetzak eta Arabako, Bizkaiko eta Gipuzkoako foru-aldundiek bultzatzen duten ekimena da. Euskaraz lan egitea erabaki duten enpresa industrialei laguntzeko sortu zen ekimena, euskarazko produktu eta zerbitzuak lortzeko bideak landuz. Eta ibilbide horretan, Indeusek euskararen presentzia txikia duten enpresei ere ireki dizkio ateak, aurrekoen eskarmentua baliatuz besteen eredu bihurtzeko.
50 partaide: ALBERDI, AMPO, ASLE, BASQUE AUTOMATION, BATZ, BIELE GROUP, BIOLAN, BRTA, CAF, CEIT, CIKAUTXO, COPRECI, DANOBATGROUP, EGA MASTER, EGA SOLUTIONS, EGOIN, EIKA, EKIN, ELAY, ENERGIA KLUSTERRA, ESLE ELKARTEA, EUSKADIKO ITSAS KLUSTERRA, FAGOR, GAIA KLUSTERRA, GISLAN, GKN, GOIZPER, IKERLAN, I+MED, INNOBASQUE, KIMUA GROUP, LARRAIOZ TALDEA, LEYCOLAN, MAIER, METAPOSTA, MITXELENA, OREKA IT, ORKLI, ORONA, PETRONOR, SISTEPLANT, TECNALIA, ULMA, VICOMTECH.
Lankidetza Sarea: SOZIOLINGUISTIKA KLUSTERRA, EUSKALIT, LABORAL Kutxa, LANGUNE, PUNTUEUS eta EUSKORPORA.
Ertzaintzak, Oñatiko Udaltzaingoaren laguntzarekin, 51 urteko gizon bat atxilotu du, joan den ostiralean udalerri horretan…
Ertzainek 22 urteko gizon bat atxilotu dute lesio-delitua leporatuta, antza denez labana batekin eraso egin…
Maria Chivite Navascués Nafarroako Lehendakariak 2026ko Gazteriaren Sarien banaketan parte hartu du asteazken honetan, eta…
Lurralde Kohesiorako Departamentuak, Toki Administrazioaren eta Despopulazioaren Zuzendaritza Nagusiaren bitartez, jada argitaratu ditu Nafarroako toki-erakundeetako…
La vicepresidenta segunda y consejera de Memoria y Convivencia, Acción Exterior y Euskera, Ana Ollo,…
Hezkuntza Departamentuak gaur argitaratu du Castejongo DBHI handitzeko proiektua idazteko eta obrak zuzentzeko lizitazioa, gehienez…