25_0541 Legazpin gizon baten gorpuaren aurkikuntzari buruzko ikerketak baztertu egin du heriotza eragin duen edozein indarkeria-zantzu
Legazpin gizon baten gorpuaren aurkikuntzari buruzko ikerketak baztertu egin du heriotza eragin duen edozein indarkeria-zantzu
Prentsa zerbitzua
2025-08-16
Legazpiko eraikin batean 51 urteko gizon baten gorpua aurkitu ondoren, Ertzaintzak atzo, ostirala, ireki zituen ikerketak amaitu dira, Auzitegi Medikuntzako Euskal Erakundeak baieztatu ondoren heriotzaren arrazoia ez zela bortitza izan.
Gorpua goizeko zazpiak aldera aurkitu zuten, Legazpiko eraikin batean. Gipuzkoako Lurralde Ikerketako Zerbitzua eta Polizia Zientifikoaren Burutzako Begi Ikuskapenen Atala bertaratu ziren.
Deba Urolako ertzain-etxetik lehen polizia-ikerketak hasi eta segizio judizial bat bertaratu ondoren, gorpua Donostiako Auzitegiko Medikuntzako Euskal Erakundera eraman zuten, autopsia egiteko. Gaur, larunbata, aipatu auzitegi-zerbitzutik jasotako informazioaren arabera, zehaztu dute heriotzaren arrazoia ez litzatekeela indarkeriazko etiologia.