Bizkaiko Foru Aldundiak deialdia ireki du 2025eko Hobekuntza Profesionala programaren 2. arloan, lurralderako estrategikoak diren STEM diziplinetan masterrak egin nahi dituzten gazteentzat. Ekimen honen bidez, kualifikazio handiko profesionalak prestatu nahi dira lurraldearen lehiakortasunerako eta berrikuntzarako funtsezkoak diren eremuetan, hala nola modernizazio eta trantsizio energetikoan, teknologia kuantikoan, automobilgintzan, sare elektriko adimendunetan, aeronautika aurreratuan eta zientzia espazialean.
Bekei buruzko zehaztasunak
Hobekuntza Profesionala programa, etorkizuneko apustua
Deialdi honetan 93.000 euroko zuzkidura duen ekimen hau Bizkaia with the talent estrategiaren barruan kokatzen da. Estrategia hori Bizkaiko Foru Aldundiaren lehentasunezko ardatza da lurraldeko enpresek, unibertsitateek eta ikerketa-zentroek eskatzen duten talentua erakartzeko, garatzeko eta fidelizatzeko. Horrez gainera, beka hauek bat datoz RIS3 Euskadi 2030 Estrategian eta Suspertze eta Erresilientzia Mekanismoaren Europako funtsetan ezarritako lehentasunekin, eta Europako espezializazio adimendunarekin lerrokatzen du Bizkaia.
Hobekuntza Profesionala programak lurralde ireki eta berritzaile gisa eta talentuarekin konprometituta dagoen lurralde gisa finkatzen du Bizkaia; funtsezkoa da etorkizuneko industriaren eta gizartearen erronkei aurre egiteko. Guztira 493.000 euroko zuzkidura duen ekimen honek zentro ospetsuetan nazioarteko prestakuntza eskuratzea eta lurraldean STEM master estrategikoetan espezializatzea uztartzen ditu, Euskal Herriko Unibertsitatearekin (EHU), Mondragon Unibertsitatearekin eta Deustuko Unibertsitatearekin lankidetzan, eta Bizkaiko gazteek Bizkaiaren lehiakortasuna, berrikuntza eta jasangarritasuna bultzatzeko behar diren gaitasunak dituztela bermatzen du.
Informazio gehiago eta eskabideak: www.bizkaia.eus
Diruz lagundutako masterren zerrenda osoa
| Masterraren izena | Unibertsitatea |
| Zientzia eta Teknologia Kuantikoak masterra | EHU |
| Ingeniaritza Energetiko Iraunkorra masterra | EHU |
| Kontrol Ingeniaritza, Automatizazioa eta Robotika masterra | EHU |
| Sistema Elektroniko Aurreratuak masterra | EHU |
| Automatizazioa, Elektronika eta Industria Kontrola masterra | Deustuko Unibertsitatea |
| Energia Berriztagarrien Integrazioa Sistema Elektrikoan masterra | EHU |
| Automozioko Diseinu eta Fabrikazioa unibertsitate-masterra | Deustuko Unibertsitatea |
| Aeronautikako Teknologiak etengabeko prestakuntzako masterra | EHU |
| Robotika eta Kontrol Sistemak masterra | Mondragon Unibertsitatea |
| Zientzia eta Teknologia Espaziala masterra | EHU |
| Material Aurreratuen Ingeniaritza masterra | EHU |
| Konputazioa eta Sistema Adimendunak masterra | Deustuko Unibertsitatea |
El Departamento de Cultura, Deporte y Turismo ha publicado el tercer volumen de la obra…
Nafarroako Nekazaritza Kontseiluak lantalde espezifiko bat sortu du ostiral goizean, Foru Gobernuko Landa Garapeneko eta…
Otsailaren amaiera aldera, Nafarroak 499,06 milioi euro gauzatu ditu Foru Komunitateari esleitutako MRR funtsen finantzaketa…
Nafarroako Gobernuak, migrazioen arloko Oinarrizko Informazio eta Orientazio Zerbitzuaren bitartez, erregularizazioari buruz doako zenbait talde-tailer…
A* Jesús Garzaron/Gobierno de Navarra. F* 2026_04_17 T* El consejero de Cohesión Territorial, Óscar Chivite…
Visita del consejero Irujo a la empresa Gurpea. Gurpean izan da ostiral honetan Nafarroako Gobernuko…