25_0637 Basauriko merkataritza-establezimendu batean pistola simulatu batekin mehatxatzeagatik atxilotu dute
Prentsa Zerbitzua
2025-09-24
Ertzaintzak 37 urteko gizon bat atxilotu du Basaurin, saltoki bateko saltzaileari arma labur batekin mehatxu egiteagatik. Bertako bezeroek, beldurtuta, ihes egin zuten establezimendutik.
Atzo arratsaldeko seiak eta laurdenean gertatu zen Basauriko (Bizkaia) merkataritza-establezimendu batean. Saltokiko langileen arabera, bezero bat eztabaida bizian hasi zen saltzaile batekin, eta pistola batekin mehatxatu zuen. Arma erakutsi zuenean, bertan zeuden gainerako bezeroak beldurtu egin ziren, eta korroka ihes egin zuten.
Ondoren, pistola zeraman gizona saltokira joateko erabili zuen ibilgailuan ezkutatu zen, eta gertatutakoa egiaztatzera hurbildu ziren Ertzaintzako agenteek aurkitu eta atxilotu zuten. Ibilgailuko eserlekuetako batean aurkitu zuten mehatxu egiteko erabilitako arma, “airsoft” aire konprimatuko pistola.
Atxilotua polizia-egoitzara eraman zuten, eta dagozkion eginbideak bete ondoren, aske utzi zuten eta agintari judizial eskudunaren aurrean deklaratzeko deitu zain dago.
Ertzaintzak, Oñatiko Udaltzaingoaren laguntzarekin, 51 urteko gizon bat atxilotu du, joan den ostiralean udalerri horretan…
Ertzainek 22 urteko gizon bat atxilotu dute lesio-delitua leporatuta, antza denez labana batekin eraso egin…
Maria Chivite Navascués Nafarroako Lehendakariak 2026ko Gazteriaren Sarien banaketan parte hartu du asteazken honetan, eta…
Lurralde Kohesiorako Departamentuak, Toki Administrazioaren eta Despopulazioaren Zuzendaritza Nagusiaren bitartez, jada argitaratu ditu Nafarroako toki-erakundeetako…
La vicepresidenta segunda y consejera de Memoria y Convivencia, Acción Exterior y Euskera, Ana Ollo,…
Hezkuntza Departamentuak gaur argitaratu du Castejongo DBHI handitzeko proiektua idazteko eta obrak zuzentzeko lizitazioa, gehienez…