Ertzainek bi gizon atxilotu dituzte Barakaldon eta Bilbon, joan den irailean Trapagaranen etxebizitza batean lapurreta egitea leporatuta. Lapurrek atea behartu zuten eta hainbat objektu lapurtu zituzten. Herritarren laguntzari eta Ertzaintzak egindako ikerketari esker identifikatu eta atxilotu ahal izan zituzten ustezko bi lapurrak.
Lapurreta joan den irailaren 19an egin zuten Trapagarango etxebizitza batean. Biktima etxean ez zegoela aprobetxatuz, bi pertsonak barrura sartu eta hainbat gauza lapurtu zituzten.
Jabeak zegokion salaketa jarri zuenean, Ertzaintzak lapurretaren egileak identifikatzeko ikerketa hasi zuen, eta, herritarren laguntzari esker, lapurretaren lekuan bi gizon izan zirela jakin ahal izaten zuen.
Ertzaintzak beharrezko eginbideak egin zituen biak identifikatzeko, eta egitateen lekuan egon zirela zehazteko. Ebidentzia horien aurrean, ertzainek Barakaldon eta Bilbon atxilotu zituzten joan den asteartean bi susmagarriak, magrebtar jatorriko 34 eta 35 urteko bi gizon, etxebizitzan indarra erabiliz lapurreta egitea leporatuta.
Bi atxilotuak aurretik ere atxilotu izan dituzte etxebizitzetan eta merkataritza-lokaletan lapurreta egiteagatik, eta Ertzaintzaren egoitzara eraman zituzten beharrezko polizia-izapideak egitera, eta gaur goizean, epailearen esku utzi dituzte.