25_0785 Ertzaintzak atzo Urbiako zelaietan (Gipuzkoa) desagertutako artzain bat bilatzeko lanei ekin die berriro
Prentsa Zerbitzua
2025-11-21
Ertzaintzaren Zaintza eta Erreskate Unitateko mendiko ataleko agenteek 77 urteko artzain bat bilatzeko lanei ekin diete gaur goizean. Atzotik desagertuta dago, ustez artaldearekin Urbiako zelaietatik gertu dagoen borda batetik jaitsi behar zuela, Aizkorriko hegoaldeko magalean.
UVRko mendiko espezialistak parte hartzen ari dira inguruko elur-baldintzek bilaketa zailtzen baitute. Atzo, 20:00ak baino minutu batzuk lehenago, familiak abisua eman zuen artzainaren berririk ez zutelako. Antza denez, artzainak Urbiako zelaietatik jaitsi behar zuen Kataberako meategietatik Brinkolara.
Ertzaintzako mendi-agenteak bertara joan ziren, eta atzo gauean bilatu zuten pertsona, artzainak erabili ohi duen borda batean, bai eta inguruko hainbat bordatan ere, Urbian bertan. Elur-ekaitzak eta elurrak eten egin zuten bilaketa gaur goizera arte, eta mendiko espezialistek, Oriako Ertzain-etxearen landa-patruila baten laguntzarekin, berriro ekin diote bilaketari, Eusko Jaurlaritzako Larrialdiei Aurregiteko teknikari batek koordinatuta.
25_0808 Barakaldoko suteagatik atxilotutako emakumea epailearen esku utzi dute, hilketa, sute eta kalte delituak egotzita…
Ertzaintzako agenteek 34, 37 eta 38 urteko hiru gizon atxilotu dituzte Tolosako enpresa batean lapurreta…
“Obstetriziako pil-pileko gaiak – Euskadiko edizioa” izeneko jardunaldi zientifikoa egin da Gurutzetako Unibertsitate Ospitalean, zeina…
La Ertzaintza, en colaboración con las policías municipales, ha activado entre el 24 y el…
La Ertzaintza, en colaboración con las policías municipales, ha activado entre el 24 y el…
Ertzaintzak egindako ikerketari esker atxilotu dute duela gutxi Barakaldoko etxebizitza batean izandako sutean ustez inplikatutako…